Nas bases desta convocatoria establécense as condicións para a concesión das axudas da Axencia Galega das Industrias Culturais á produción e coprodución de proxectos audiovisuais galegos para o ano 2025.
Búscase, así, fomentar a produción e coprodución de proxectos impulsados por empresas produtoras independentes, que teñan como destino final a exhibición en pantallas cinematográficas e/ou a difusión en canles de televisión e plataformas de vídeo baixo demanda.
BENEFICIARIOS
Persoas físicas (autónomas) ou xurídicas constituídas como produtoras audiovisuais independentes e dadas de alta na epígrafe IAE 961.1, cos seguintes requisitos:
- Que teñan unha antigüidade mínima de 1 ano, sen interrupcións na actividade.
- Que teñan unha sucursal ou oficina permanente en Galicia, de polo menos un ano previo a esta convocatoria, ou nun Estado membro da UE ou que forme parte do acordo que establece a Área Económica Europea, e desenvolver a súa actividade habitual en Galicia.
Cando a persoa xurídica sexa unha agrupación de interese económico (AIE), os requisitos deberán ser cumpridos, polo menos, por unha das empresas integrantes no momento da constitución. A agrupación non poderá disolverse ata que remate o prazo de prescrición para o reintegro e as infraccións.
Ademais, deberán cumprir as seguintes condicións:
- Posuír os dereitos de propiedade intelectual do guión ou guións, obra literaria ou calquera obra previa que requira da obtención ou opción de compra sobre eles para a realización da obra audiovisual.
- Ser titulares dos dereitos de propiedade da obra audiovisual na medida que sexan necesarios para a explotación e comercialización desta.
- Só poderán participar nesta convocatoria aquelas produtoras que teñan unha participación igual ou superior ao 20% do proxecto audiovisual. Poderase reducir ata un 10 % no caso das coproducións internacionais cando na produción da obra participen catro ou máis países.
Exclusións:
- As empresas produtoras que só teñan unha participación económica no proxecto
- As empresas suxeitas a unha orde de recuperación por axudas declaradas ilegais ou incompatibles co mercado interior, nin as empresas en crise
- As empresas nas que concorran algunha das prohibicións establecidas no artigo 10.2 da Lei 9/2007. Será obrigatorio que as persoas beneficiarias declaren que non están afectadas por tales circunstancias.
PROXECTOS SUBVENCIONABLES. CATEGORÍAS E REQUISITOS
Poderanse presentar proxectos de obras audiovisuais que teñan como destino principal a exhibición cinematográfica ou a emisión en canles de televisión e/ou plataformas de servizos de vídeo baixo demanda (VOD) e que se poidan encadrar nas modalidades de ficción, animación e documental, segundo as categorías que se relacionan:
Categoría A. Longametraxes cinematográficas.
A.1. Longametraxes de ficción.
A.2. Longametraxes de animación.
Categoría B. Longametraxes cinematográficas documentais
Categoría C. Longametraxes cinematográficas en coprodución internacional con participación minoritaria española.
C.1. Longametraxes de ficción.
C.2. Longametraxes de animación.
C.3. Longametraxes documentais.
Categoría D. Curtametraxes de ficción, animación ou documentais.
Categoría E. Series para televisión e/ou plataformas de vídeo baixo demanda.
E.1. Series de ficción.
E.2. Series de animación para público infantil e xuvenil.
E.3. Series documentais.
A consideración dos proxectos como subvencionables estará supeditado a:
- Necesidades de apoio desprendido do carácter cultural.
- Utilización da lingua galega na versión orixinal da obra.
- Achega á cinematografía galega e á promoción do talento galego.
- Viabilidade económica e de realización e da calidade e interese da proposta.
- O efecto incentivador, polo que a solicitude deberá terse presentado antes do comezo do proxecto.
GASTOS SUBVENCIONABLES
Só se admitirán aqueles gastos que fosen realizados e pagados dentro do período comprendido entre a data da presentación da solicitude e a fin da data de xustificación establecida na presente convocatoria.
Considéranse gastos subvencionables os efectuados pola empresa produtora ata a consecución da copia estándar ou máster dixital, máis o derivado de determinados conceptos básicos para a realización e promoción adecuada da obra, nos termos establecidos no artigo 5 da correspondente Orde.
CONTÍAS E INTENSIDADE DAS AXUDAS
As contías máximas por tipo de proxecto son as seguintes:
| Ficción | Animación | Documental | |
| Categoría A e B Longametraxes cinematográficas | V.O. non galega 300.000 | 320.000 | V.O. non galega 100.000 |
| V.O. galega 120.000 | |||
| V.O. galega 320.000 | |||
| Categoría C Longametraxes coprodución minoritaria | 160.000 | 160.000 | 60.000 |
| Categoría D Curtametraxes | V.O. non galega 15.000 | 20.000 | V.O. non galega 15.000 |
| V.O. galega 20.000 | V.O. galega 20.000 | ||
| Categoría E Series para TV e plataformas VOD | V.O. non galega 260.000 | 160.000 | V.O. non galega 80.000 |
| V.O. galega 280.000 | V.O. galega 100.000 |
Haberá unha categoría denominada “Obra difícil” para as cales incrementarase a intensidade das axudas:
- No caso de curtametraxes, poderán recibir axudas públicas de ata o 85 % do importe subvencionable.
- As obras audiovisuais dirixidas por unha persoa que non teña dirixido ou codirixido máis de dúas longametraxes cualificadas para a súa explotación comercial en salas de exhibición cinematográfica e cuxo orzamento de produción non supere 1.500.000 euros, poderán recibir axudas públicas ata o 80% do importe subvencionable.
- As obras audiovisuais en versión orixinal galega, entendendo como tales aquelas que utilicen o galego como lingua maioritaria en diálogos e narración, poderán obter axudas públicas de ata o 80 % do importe subvencionable.
- As obras audiovisuais realizadas exclusivamente por directores ou directoras cun grao de discapacidade igual ou superior ao 33 %, recoñecido polo órgano competente, poderán recibir axudas públicas de ata o 80% do importe subvencionable.
- As obras audiovisuais dirixidas exclusivamente por directoras, poderán alcanzar unha axuda do 75 % do importe subvencionable.
- Os documentais destinados á exhibición cinematográfica (categoría B), poderán recibir axudas públicas de ata o 75 %.
- As obras de animación cun orzamento de produción que non supere os 2.500.000 euros poderán recibir ata o 75 % do importe subvencionable.
- As obras audiovisuais realizadas en réxime de coprodución con países iberoamericanos poderán recibir ata o 60 % do importe subvencionable.
Estas axudas outorgaranse por concorrencia competitiva, é dicir segundo os criterios de valoración establecidos cun sistema de puntos. No caso de esgotamento do crédito asignado, pasarán a formar unha listaxe de espera respectando a orde de prelación.
INCOMPATIBILIDADE
Estas axudas serán incompatibles con:
- Axudas ao desenvolvemento de proxectos audiovisuais da Consellería de Cultura, Educación, Formación profesional e Universidades publicados no 2024.
- Outras axudas da Consellería de Cultura, Educación, Formación Profesional e Universidades para o mesmo proxecto.
- No caso de recibir outras axudas, estas nunca poderán superar o custo da actividade subvencionada.
PRAZO DE SOLICITUDES
Aberto ata o 14 de marzo del 2025
MÁIS INFORMACIÓN
CÓDIGO DE PROCEDEMENTO: CT207A
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.