A Cámara de Comercio de Pontevedra, Vigo e Vilagarcía de Arousa convoca as Axudas Xpande Dixital, dirixidas ás PEMES e aos autónomos dados de alta no IAE no territorio da súa demarcación cameral, para o desenvolvemento de estratexias de internacionalización dixital no ano 2025, a través da prestación de servizos de asesoramento e da concesión de axudas económicas, cofinanciadas polo Fondo Europeo de Desenvolvemento Rexional (FEDER) da Unión Europea. O obxectivo é que as empresas poidan mellorar a súa competitividade en entornos dixitais globais.
BENEFICIARIOS
Pequenas e medianas empresas , xa sexan persoas físicas (autónomas) ou xurídicas, que se atopen dadas de alta no Censo do IAE e que cumpran ademais os seguintes requisitos:
- Ter o domicilio social e/ou o centro produtivo nalgún dos municipios incluídos na demarcación da Cámara de Comercio de Vigo, Pontevedra e Vilagarcía.
- Estar ao día das obrigas tributarias e de Seguridade Social.
- Ter unha facturación mínima de 100.000€ no último exercicio pechado.
- Ter un cadro de persoal no último exercicio de al menos un empregado por conta allea.
- Contar no momento da solicitude cunha páxina web operativa propia que recolla de forma clara a oferta de produtos e servizos a internacionalizar.
- Ter decidido un mercado exterior obxectivo (un país concreto) para deseñar e desenvolver a estratexia de internacionalización dixital, dedicándose os gastos exclusivamente ao posicionamento dixital no mercado seleccionado.
- Non ter sido beneficiaria deste programa en máis de dous ocasións no período de programación FEDER 2021-2027, con posterioridade ao 31/12/2023.
- Non ter a condición de empresa en crise.
ACTIVIDADES SUBVENCIONABLES
Este programa inclúe os seguintes apoios, que se desenvolverán en dúas fases:
Fase I de asesoramento: nesta fase, a empresa recibirá un servizo de asesoramento personalizado para posteriormente deseñar a estratexia de internacionalización dixital da empresa no mercado obxectivo elixido.
Estes servizos son gratuítos para a empresa e incluirán un análise do proceso de exportación da empresa e da súa situación inicial en materia de internacionalización, o deseño da estratexia e o Plan de acción a desenvolver.
Fase 2 de axudas económicas para o desenvolvemento da estratexia de internacionalización dixital: subvencionaranse nesta fase os gastos necesarios para desenvolver as actuacións incluídas no Plan de acción.
A tal fin, serán subvencionables os gastos asociados á execución do plan de internacionalización dixital, por parte de provedores libremente seleccionados pola empresa beneficiaria, segundo o plan de acción definido na fase de asesoramento. Todos os gastos deberán iniciarse con posterioridade á finalización da Fase I do programa, así como estar efectivamente finalizados e pagados antes da data que se estableza pola Cámara.
AXUDAS E CONTÍAS
Por unha banda, as empresas beneficiarias recibirán os servizos gratuítos de asesoramento e seguimento por parte da Cámara de Comercio.
Ademais deses servizos gratuítos, a contía máxima de axuda por empresa para a implantación da estratexia de internacionalización será de 3.210 €, cun máximo do 60% do investimento elixible (gasto máximo elixible de 5.350 €).
Estas axudas atópanse baixo o réxime de minimis.
PRAZO
O prazo para presentación de solicitudes ábrese o día 8 de abril de 2025 ás 9.00h e péchase o 30 de xuño de 2025 ás 14.00h.
A selección de proxectos realizarase por orde de entrada.
Só se admitirá a presentación dunha única solicitude por empresa. As empresas vinculadas serán consideradas como única empresa
Para presentar a solicitude, o interesado deberá facelo a través do formulario habilitado na Sede electrónica.
MÁIS INFORMACIÓN
Consulta a Convocatoria do Programa Xpande Dixital 2025.
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.