O Igape pon en marcha o programa Re-acciona, un plan de mellora da competitividade empresarial en réxime de concorrencia non competitiva. Grazas a esta iniciativa, as empresas galegas poderán acceder a unha serie de servizos deseñados para axudar ás pemes a mellorar os seus procesos, afrontar os novos retos do mercado, xestionar o talento ou impulsar accións innovadoras.
PERSOAS BENEFICIARIAS
- Persoas autónomas.
- Pemes.
- Asociacións, fundacións ou entidades sen personalidade xurídica que desenvolvan actividade empresarial.
Requisitos que deben cumprir:
- Contar cun centro de traballo en Galicia.
- Contar cun mínimo de 3 traballadores no ano 2024, excepto para o servizo de “Apoio para empresas emerxentes innovadoras”.
- Cumprir os límites de axudas de minimis (300.000 € en 3 anos; 40.000 € para pesca e 50.000 € para agricultura).
- As empresas innovadoras deben demostrar unha base tecnolóxica ou diferencial.
SERVIZOS RE-ACCIONA
Os servizos aos que poden acceder as empresas, que deberán ser prestados polas entidades colaboradoras, divídense en 3 categorías, segundo o seguinte esquema:
| Denominación | Nº aproximado de horas | Importe do servizo (sen IVE) | Custo para a empresa (sen IVE) |
|---|---|---|---|
| Análise e avaliación competitiva | 60 horas | 3.780 € | 756 € |
| Optimización e mellora competitiva | 85 horas | 5.355 € | 1.071 € |
| Estratexias de competitividade avanzada | 100 horas | 6.300 € | 1.260 € |
Categoría 1: Ánalise e avaliación competitiva.
- Análise do potencial competitivo e primeiras accións de mellora.
- Xestión financeira e procura de financiamento.
- Protección da innovación.
- Asesoramento para o financiamento da innovación, servizo parcial.
Categoría 2: Optimización e mellora competitiva.
- Desenvolvemento estratéxico integral da empresa.
- Análise do cumprimento normativo e os riscos laborais (Compliance).
- Asesoramento para o relanzamento comercial.
- Deseño e lanzamento de produtos e servizos innovadores.
- Protección da innovación (modalidade A), servizo completo.
- Apoio para empresas emerxentes innovadoras.
- Consultaría modular para pemes en captación, retención e xestión de talento.
Categoría 3: Estratexias de competitidade avanzada.
- Circularización e optimización dos procesos de produción e cadea loxística.
- Preparación de procesos certificables.
- Desenvolvemento dunha estratexia de integración ESG na Peme: impulso da empresa cara a sustentabilidade e a creación de valor.
- Asesoramento para o financiamento da innovación, servizo completo.
CONTÍA
Subvención do 80 % do importe do servizo prestado á entidade colaboradora directamente (é dicir, a empresa só tería que pagar o 20% dos servizos contratados e o IVE).
Poderase solicitar axudas para a prestación de ata 2 servizos por peme beneficiaria.
PRAZO
Dende o 21 de xaneiro as 9:00h ata o 15 de novembro de 2025 as 14:00h ou ata que se esgoten os fondos.
A solicitude deberá facerse a través da empresa colaboradora que a empresa escolla.
MÁIS INFORMACIÓN
CÓDIGO DE PROCEDEMENTO: IG402A
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituir a información proporcionada nos documentos oficiais.