A finalidade deste Programa é facilitar a volta á actividade económica de persoas emprendedoras a quen lle foi mal e cesaron nun anterior negocio pero teñen experiencia e iniciativa, a través da concesión de subvencións que lles permitan volver emprender un negocio como autónomas.
Desta maneira, poderán recibir unha axuda económica de ata 8.000 euros (Bono Nova Oportunidade) para facilitarlle a posta en marcha do novo emprendemento.
BENEFICIARIOS
Persoas autónomas que xa foron autónomas con anterioridade e que queren volver emprender, cos seguintes requisitos:
- Estar dado de alta no Réxime Especial de Traballadores Autónomos (RETA) ou noutro réxime especial da Seguridade Social entre o 31 de outubro de 2024 e o 30 de setembro de 2025, e manter o alta ao momento da solicitude.
- Ter unha alta inicial no RETA ou noutro réxime especial nos últimos 5 anos antes da nova alta.
- Ter cotizado polo menos 3 meses ininterrompidos no RETA ou noutro réxime especial antes da nova alta.
- Estar rexistrado como demandante de emprego e sen contrato laboral en vigor na data anterior ao comezo da nova actividade, mantendo o alta no RETA durante polo menos 24 meses.
- Transcorrer un mínimo de 6 meses entre a nova alta e a anterior baixa no RETA ou noutro réxime.
- Ter domicilio fiscal e de actividade en Galicia.
- Ter comezado a actividade antes de presentar a solicitude de axuda.
- Estar de baixa no Imposto de Actividades Económicas da actividade anterior
Tamén poden acollerse a estas axudas, nas mesmas condicións, as persoas traballadoras autónomas que forman parte de comunidades de bens, sociedades civís ou outras entidades sen personalidade xurídica de nova creación, sempre que as soliciten a título persoal. Neste caso, a entidade deberá estar constituída previamente á presentación da solicitude e, en todo caso, con data posterior ao 31 de outubro de 2024.
Están excluídas destas axudas:
- Persoas que xa foran beneficiarias desta axuda (TR790A) anteriormente.
- Membros de entidades de economía social.
- Administradores autónomos sen acreditación de participación na empresa.
- Autónomos colaboradoras.
- Membros de sociedades mercantís e sociedades.
CONTÍA
Contía única de 7.500€, que se incrementará en 500 € no caso de que a beneficiaria sexa unha muller.
INCOMPATIBILIDADES
Estas axudas serán incompatibles cos seguintes programas:
- Axudas á promoción do emprego autónomo (TR341D) para 2024 e 2025, programa Emega (SI429A) para 2024, Programa I de emprego en cooperativas (TR802G) para 2025 e incentivos ás IEBTs (TR340E).
- Orde de promoción do autoemprego para galegos retornados (PR937A) e Programa II de acceso á condición de persoa socia (TR802J).
- Tamén é incompatible con outras axudas públicas para os mesmos conceptos, agás as concedidas polo Igape no programa Re-Acciona para 2025.
PRAZO
Dende o 24 de xaneiro o 30 de setembro.
As axudas concederanse a todas aquelas persoas que cumpran os requisitos establecidos, por orde de solicitude, ata que se esgoten os fondos destinados.
A TER EN CONTA
Coa solicitude da axuda será necesario presentar documentación que acredite a posta en marcha da actividade: facturas de compra de maquinaria, de alugueiro, de compra de mercadorías ou calquera outro documento que acredite suficientemente a actividade e a posta en marcha da empresa ou do negocio.
A persoa beneficiaria estará obrigada a manter a actividade para a que se solicita a axuda (permanecer de alta no RETA ou na mutualidade de colexio profesional) durante un tempo mínimo de 24 meses desde a súa alta como persoa traballadora autónoma, salvo cesamente por causas alleas á súa vontade.
A persoa beneficiaria deberá contar cun cartel informativo de tamaño mínimo A3, indicando que a actividade está sendo subvencionada pola Consellería de Emprego, durante polo menos 12 meses dende a Resolución da subvención .
Estas axudas quedan sometidas ao réxime de minimis.
MÁIS INFORMACIÓN
CÓDIGO DE PROCEDEMENTO: TR790A
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.