A finalidade da axuda «Bono consolida economía social» é apoiar a consolidación das entidades da economía social en Galicia. En concreto, busca reforzar a súa presenza no tecido económico galego, fomentando a transformación dixital e a mellora da eficiencia enerxética. Ademais, pretende impulsar a súa actividade económica, incrementar a competitividade e manter empregos de calidade.
A través desta iniciativa, tamén se quere fomentar a modernización e adaptación das entidades ás novas necesidades do mercado, facilitando investimentos en tecnoloxía, formación e mellora da súa infraestrutura. Deste xeito, búscase que estas organizacións gañen solidez e poidan desempeñar un papel máis relevante no desenvolvemento económico e social da comunidade.
BENEFICIARIOS
Poderán acollerse a estas subvencións as sociedades cooperativas, as sociedades laborais, as empresas de inserción e os centros especiais de emprego.
Requisitos adicionais
- Estar inscritas como tales nos correspondentes rexistros.
- Ter presentadas as contas anuais do último ano no rexistro correspondente a súa forma xurídica.
- No caso de centros especiais de emprego que teñan forma xurídica de asociación, deberán ter aprobado o balance e conta de resultados pola súa asemblea xeral.
- Acreditar unha antigüidade de 42 meses, computados desde a alta de inscrición da entidade no correspondente rexistro.
- Ter capacidade administrativa, financeira e operativa para cumprir as condicións da axuda.
- Estar ao día no pagamento das obrigas tributarias e da Seguridade Social.
- Non ter sido sancionadas mediante resolución firme coa perda da posibilidade de obter subvencións.
Exclusións
Non poderán ser entidades beneficiarias:
- As entidades excluídas do acceso aos beneficios dos programas de emprego.
- As entidades que obtivesen esta axuda na convocatoria anterior.
CONCEPTOS SUBVENCIONABLES
Os conceptos subvencionables serán os seguintes:
- Equipamento informático.
- Adquisición e desenvolvemento de software e páxinas web.
- Márketing, comunicación ou relanzamento comercial.
- Mellora na eficiencia enerxética.
- Adquisición de equipamento.
- Reforma do centro de traballo.
- Mobiliario.
- Obtención de certificacións de calidade.
- Creación e desenvolvemento da imaxe corporativa da entidade.
- Plan de protección de datos.
- Elementos de transporte.
- Actividades formativas para as persoas socias da entidade que estean dados de alta no RETA.
CONTÍA
A contía das axudas será do 80% do custo total dos gastos subvencionables, cos seguintes límites:
- 5.000€ para os gastos incluídos nos conceptos 3, 8, 9 e 10.
- 600€ para cada actividade formativa, das incluídas no concepto 12, que realice cada persoa socia da entidade que estea de alta no réxime especial de traballadores autónomos.
O límite máximo das axudas será de 30.000€ por cada entidade solicitante.
PRAZO
O prazo de presentación de solicitudes comezará o 21 de febreiro e finalizará o 21 de abril de 2025.
MÁIS INFORMACIÓN
Acceder ao procedemento de tramitación: TR802L
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.