A Xunta de Galicia convoca para o ano 2025, en réxime de concorrencia competitiva, axudas económicas dirixidas ás empresas galegas que apliquen medidas que promovan a conciliación da vida laboral e familiar. Desta maneira, as pemes e as persoas traballadoras autónomas con persoas traballadoras a cargo poderán acceder a tres liñas de incentivos económicos para poñer en marcha medidas de corresponsabilidade e de conciliación da vida familiar, persoal e laboral para o seu persoal:
1. Incentivos para o fomento do teletraballo
2. Incentivos para o fomento da flexibilidade horaria
3. Incentivos para a adquisición de elementos tecnolóxicos que posibiliten o teletraballo
SUBLIÑA 1. INCENTIVOS ECÓNOMICOS PARA O FOMENTO DO TELETRABALLO
BENEFICIARIO
As pemes ou persoas traballadoras autónomas que teñan contratadas persoas traballadoras por conta allea con domicilio social e centro de traballo en Galicia, que non pertenzan aos sectores de tecnoloxía da información e comunicación (TIC), e que cumpran unha das seguintes condicións:
- Formalizar un acordo de teletraballo durante polo menos dous anos con persoal xa vinculado (mínimo un ano de antigüidade na empresa).
- Contratar a novo persoal en teletraballo a xornada completa, asinando un acordo de teletraballo por un período de dous anos.
Requisitos do acordo de teletraballo:
- O teletraballo debe formalizarse mediante un «acordo individual de teletraballo» que cumpra co que establece a Lei 10/2021, de traballo a distancia.
- O acordo debe especificar un mínimo de horas dedicadas ao teletraballo, que non pode ser inferior ao 30% da xornada semanal.
CONTÍA DA AXUDA
2.000 euros por traballador, cun acordo de teletraballo (sexa por adaptación ou novo contrato), cun límite de 8.000 euros por empresa (podendo incrementarse este límite en 1.000 euros adicionais se a taxa de ocupación feminina na empresa é igual ou superior á masculina).
SUBLIÑA 2. INCENTIVOS ECÓNOMICOS PARA O FOMENTO DA FLEXIBILIDADE HORARIA
BENEFICIARIOS
As pemes ou persoas traballadoras autónomas que teñan contratadas persoas traballadoras por conta allea con domicilio social e centro de traballo en Galicia e que establezan medidas de flexibilidade horaria mediante un convenio colectivo ou acordo coa representación legal dos traballadores.
As medidas poden incluír sistemas como compensación de días, xornada continua, semana laboral comprimida, ou permisos especiais por emerxencias familiares, por un período non inferior a dous anos.
Requisitos do acordo de teletraballo:
Debe detallar as medidas de flexibilidade que se implementarán, reflectindo as melloras con respecto á situación anterior e o compromiso de manter estas medidas durante a vixencia do acordo.
CONTÍA DA AXUDA
8.000 euros por empresa solicitante (ou 9.000 euros, se a taxa de ocupación feminina na empresa é igual ou superior á masculina).
SUBLIÑA 3. SUBVENCIÓNS PARA ADQUISICIÓN DE ELEMENTOS TECNOLÓXICOS QUE POSIBILITEN O TELETRABALLO
BENEFICIARIOS
As pemes ou persoas traballadoras autónomas que teñan contratadas persoas traballadoras por conta allea con domicilio social e centro de traballo en Galicia, que non pertenzan aos sectores de tecnoloxía da información e comunicación (TIC) e que teñan acordos de teletraballo vixentes ao momento de presentar a solicitude, conforme á Lei 10/2021 de traballo a distancia.
CONCEPTOS SUBVENCIONABLES
A adquisición de equipos tecnolóxicos necesarios para o teletraballo, como computadoras, acceso a internet, e periféricos (webcam, impresora, escáner etc.).
Non se subvencionará o software nin outros gastos non relacionados cos elementos mencionados, nin impostos indirectos.
CONTÍA DA AXUDA
Ata o 80% do investimento subvencionable realizado, cun máximo de 1.500 euros por persoa traballadora beneficiada e cun límite 20.000 euros por empresa (este límite incrementarase nun 10% se a taxa de ocupación feminina na empresa é igual ou superior á masculina).
EXCLUSIÓNS
Non poderán ser beneficiarias destas axudas:
- Empresas ou grupos de empresas que xa fosen beneficiarias destas axudas en anteriores convocatorias.
- As entidades sen ánimo de lucro e as entidades públicas.
- As empresas de consultoría ou asesoría que teñan entre as súas actividades o asesoramento na elaboración de plans de igualdade ou a formación en igualdade.
PRAZO PARA TODAS AS LIÑAS
Prazo de solicitudes aberto ata o día 28 de febreiro de 2025.
Máis información
CÓDIGO DE PROCEDEMENTO: TR357D
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.