Axudas para as certificacións de RSE

As axudas para a certificación en responsabilidade social empresarial (RSE) forman parte do Programa de axudas para implantar a igualdade laboral, a conciliación e a RSE. Esta liña ten como obxectivo apoiar ás pemes e ás persoas traballadoras autónomas con persoal a cargo na obtención de certificacións que acrediten o seu compromiso coa sustentabilidade, a igualdade e as boas prácticas empresariais. A través destas certificacións, as empresas poden mellorar a súa competitividade, reforzar a súa reputación e contribuír a un modelo de negocio máis responsable e sustentable.

BENEFICIARIOS

Poderán ser solicitantes destas axudas: 

• As pemes ou persoas traballadoras autónomas que teñan contratadas persoas traballadoras por conta allea con domicilio social e centro de traballo en Galicia, calquera que sexa a súa forma xurídica.
• As empresas con centros de traballo en Galicia.

Requisitos adicionais

• Deberán contar con, polo menos, 5 persoas traballadoras.
• Ter unha taxa de estabilidade cando menos do 50% desde o 1 de xaneiro de 2025 e durante todo o período de execución das axudas.
• Estar ao día coas obrigas tributarias estatais e autonómicas e coa Seguridade Social.

Exclusións

• Empresas ou grupos de empresas que xa fosen beneficiarias destas axudas.
• As entidades sen ánimo de lucro nin as entidades públicas.
• As empresas de consultoría ou asesoría que teñan entre as súas actividades o asesoramento na elaboración de plans de igualdade ou a formación en igualdade.

CONTÍA DAS AXUDAS

Subvención do  80% dos custos da certificación obtida cun máximo de 2.000€ por empresa. No caso de custos de consultoría, estes non poderán superar o 30% da subvención.

PRAZO

Prazo de solicitudes aberto ata o día 28 de febreiro de 2025.

MÁIS INFORMACIÓN

Consulta a ORDE do 26 de decembro de 2024 pola que se establecen as bases reguladoras do Programa de axudas para implantar a igualdade laboral, a conciliación e a responsabilidade social empresarial (RSE), e se procede á súa convocatoria para o ano 2025 (códigos de procedemento TR357B, TR357C e TR357D).

CÓDIGO DE PROCEDEMENTO:  TR357B

Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.

O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.