As axudas para implantación de plans de igualdade forman parte do Programa de axudas para implantar a igualdade laboral, a conciliación e a responsabilidade social empresarial (RSE). Esta liña ten como obxectivo apoiar ás pemes e ás persoas traballadoras autónomas con persoal a cargo na elaboración e implantación de plans de igualdade no ámbito laboral. O propósito destes plans é garantir a igualdade efectiva entre mulleres e homes, corrixindo desigualdades e fomentando un ambiente de traballo máis equitativo e inclusivo.
BENEFICIARIOS
Poderán ser solicitantes destas axudas as pemes ou persoas traballadoras autónomas, con domicilio social e centro de traballo en Galicia, que teñan contratadas persoas traballadoras por conta allea, calquera que sexa a súa forma xurídica. Ademais, deberan atoparse nalgún dos supostos seguintes:
- Empresas que implanten voluntariamente un plan de igualdade.
- Empresas que implanten un plan de igualdade en cumprimento da obriga establecida nun convenio colectivo de ámbito superior á empresa.
Requisitos adicionais
- Contar cun mínimo de 10 persoas traballadoras e un máximo de 49.
- Ter unha taxa de estabilidade cando menos do 50% desde o 1 de xaneiro de 2025 e durante todo o período de execución das axudas.
- Estar ao día coas obrigas tributarias estatais e autonómicas e coa Seguridade Social.
Exclusións
- Empresas ou grupos de empresas que xa fosen beneficiarias destas axudas.
- As entidades sen ánimo de lucro nin as entidades públicas.
As empresas de consultoría ou asesoría que teñan entre as súas actividades o asesoramento na elaboración de plans de igualdade ou a formación en igualdade.
ACTIVIDADES SUBVENCIONABLES
Serán actividades subvencionables os seguintes conceptos:
- Os custos de elaboración dunha diagnose da empresa desde a perspectiva de xénero.
- Os custos derivados da elaboración dun plan de igualdade que recolla as accións ou medidas que corrixan as deficiencias detectadas na diagnose previa.
- Os custos derivados da implantación das medidas previstas no plan de igualdade que teña aprobado a entidade para o seu primeiro ano de vixencia.
- A contratación, no grupo de cotización 1 ou 2, a xornada completa e como mínimo dun ano, dunha persoa con titulación de grao e con experiencia e/ou coñecementos acreditados en materia de igualdade que se encargue de asesorar as fases de creación do plan.
CONTÍA DAS AXUDAS
- Ata o 80% dos custos relacionados co proceso de diagnose previa, cun máximo de 3.000€ nas empresas de ata 20 persoas traballadoras, e ata 5.000€ nos demais supostos.
- Ata o 80% dos custos derivados da elaboración dun plan de igualdade, cun máximo de 1.500 € nas empresas de ata 20 persoas traballadoras, e ata 3.000 € nos demais supostos.
- Ata o 80 % dos custos derivados da implantación das medidas prioritarias previstas na primeira fase do plan de igualdade cun custo máximo de 1.000 € nas empresas de ata 20 persoas traballadoras, e ata 2.000 € nos demais supostos.
- Unha contía de 12.000 € pola contratación, como mínimo, dun ano dunha persoa experta en igualdade. Esta última é compatible cos demais conceptos.
PRAZO
Prazo de solicitudes aberto ata o día 28 de febreiro de 2025.
MÁIS INFORMACIÓN
CÓDIGO DE PROCEDEMENTO: TR357C
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.