O Ministerio de Cultura, a través do INAEM, convoca estas axudas, en réxime de concorrencia competitiva, para o teatro e o circo, co obxectivo de preservar e difundir o seu patrimonio cultural, tanto a nivel nacional como internacional. Estas subvencións promoven a comunicación entre Comunidades Autónomas, garanten a igualdade no acceso á cultura e fomentan a creación e consolidación de novos públicos.
O programa de axudas inclúe as seguintes modalidades subvencionables:
A. Programa de axudas a xiras nacionais e internacionais:
– A1. Axudas ás xiras teatrais polo territorio nacional.
– A2. Axudas ás xiras de teatro e circo para a infancia e a mocidade polo territorio nacional.
– A3. Axudas ás xiras de teatro e circo de rúa polo territorio nacional.
– A4. Axudas ás xiras circenses polo territorio nacional.
– A5. Axudas ás xiras teatrais polo estranxeiro.
– A6. Axudas ás xiras circenses polo estranxeiro.
– A7. Axudas ás xiras de coproducións teatrais e circenses interautonómicas
– A8. Axudas ás producións teatrais e circenses no estranxeiro.
– A9. Axudas ás concertacións bienais teatrais.
B. Programa de axudas a programacións, residencias e proxectos escénicos estables no territorio nacional:
– B1. Axudas a programacións anuais de ámbito nacional en espazos escénicos de titularidade privada no territorio nacional.
– B2. Axudas ás residencias artísticas teatrais e circenses no territorio nacional.
– B3. Axudas a proxectos teatrais e circenses estables de creación, exhibición, investigación e formación no territorio nacional.
C. Programa de axudas a festivais, feiras, mostras, ciclos, certames, xornadas profesionais e congresos teatrais e circenses:
– C1. Axudas á realización de festivais, feiras, mostras e ciclos teatrais.
– C2. Axudas á realización de festivais, feiras, mostras e ciclos circenses. – C3. Axudas á realización de certames, xornadas profesionais e congresos teatrais e circenses.
D. Programa de axudas á realización de circuítos de teatro e circo:
– D1. Axudas á realización de circuítos de teatro e circo.
E. Programa de axudas ás asociacións, federacións e confederacións de ámbito estatal e proxección nacional e internacional para actividades teatrais e circenses:
– E1. Axudas ás asociacións, federacións e confederacións de ámbito estatal e proxección nacional e internacional para actividades teatrais e circenses.
F. Programa de axudas ás infraestruturas de circo itinerante:
– F1. Axudas ás infraestruturas de circo itinerante.
Beneficiarios
Poderán solicitar estas axudas persoas físicas ou xurídicas, públicas ou privadas, que cumpran os requisitos establecidos para cada modalidade de axuda. Os solicitantes deben ter establecemento permanente na UE ou o Espazo Económico Europeo, con igualdade de trato.
Exclusións:
Quedan excluídas aquelas entidades con residencia fiscal en paraísos fiscais
Criterios de valoración
As axudas concederanse en réxime de concorrencia competitiva, tendo en conta os seguintes criterios de valoración:
| Para todas as modalidades (excepto para F1) | Puntuación |
| 1. Interese cultural do proxecto | De 0 a 25 puntos |
| 2. Perfil e alcance do proxecto | De 0 a 25 puntos |
| 3. Repercusión social xerada | De 0 a 10 puntos |
| 4. Orzamento, viabilidade ec. e historial de xustific. | De 0 a 25 puntos |
| 5. Traxectoria da persoa/entidade solicitante | De 0 a 15 puntos |
| 6. Apoio ás persoas e territorios afectados pola DANA | Ata 5 puntos extra |
| Para a modalidade F1 | Puntuación |
| 1. Orzamento, viabilidade económica e historial de xustificacións. | De 0 a 35 puntos |
| 5. Traxectoria da persoa/entidade solicitante e valoración do proxecto | De 0 a 65 puntos |
Cada proxecto poderá acadar un máximo de 100 puntos.
Para poder ser beneficiario destas axudas, o proxecto deberá acadar un mínimo de 50 puntos na valoración total; e polo menos, 10 puntos no criterio 1 (interese cultural), salvo no caso da modalidade F1.
Contía das axudas
A contía das axudas virá determinada tendo en conta o custo do proxecto presentado e unha porcentaxe aplicada segundo á puntuación obtida polo proxecto (cun máximo do 65%) e cos seguintes límites en cada modalidade:
- A1, A2 y A3: 70.000 euros
- A4: 100.000 euros
- A5 y A6: 70.000 euros
- A7: 200.000 euros
- A8: 55.000 euros
- A9: 250.000 euros
- B1: 55.000 euros
- B2: 40.000 euros
- B3: 210.000 euros
- C1 y C2: 110.000 euros
- C3: 55.000 euros
- D1: 200.000 euros
- E1: 140.000 euros
- F1: 40.000 euros
Prazo
O prazo para presentar as solicitudes de axuda abre o 27 de febreiro e remata o 19 de marzo de 2025
Mais información
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.