As “casas niño” configúranse como un recurso de conciliación e atención á infancia adaptado para concellos pequenos do rural galego, promovidos por profesionais autónomos ou cooperativas de traballo asociado. Nelas préstase un servizo gratuíto de coidado diúrno a nenos de entre 3 meses e 3 anos a través, dirixido ás familias deses concellos rurais.
A través desta convocatoria regúlanse as axudas para o mantemento das casas niño que iniciaran a súa actividade entre o 1 de outubro de 2016 e o 31 de decembro de 2024. Deste xeito, búscase dar continuidade a este recurso que atende as necesidades de conciliación da vida persoal, familiar
e laboral nas familias dos municipios rurais de Galicia. Estas axudas financiarán gastos de funcionamento das casas niño durante os anos 2025, 2026, 2027 e ata o 31 de agosto de 2028.
BENEFICIARIOS
Persoas físicas e cooperativas titulares de casas niño en funcionamento, que iniciasen a súa actividade entre ou 1 de outubro de 2016 e ou 31 de decembro de 2024, e que estean en funcionamento e manteñan a alta fiscal e na Seguridade Social.
En función da data de inicio de actividade, poderán acollerse ás axudas dunha ou doutra anualidade:
- Para a anualidade 2025, titulares que iniciasen a súa actividade entre o 1 de outubro de 2016 e o 31 de decembro de 2021.
- Para a anualidade 2026, titulares que iniciasen a súa actividade entre o 1 de outubro de 2016 e o 31 de decembro de 2022.
- Para a anualidade 2027, titulares que iniciasen a súa actividade entre o 1 de outubro de 2016 e o 31 de decembro de 2023.
- Ata agosto da anualidade 2028, titulares que iniciasen a súa actividade entre o 1 de outubro de 2016 e o 31 de decembro de 2024.
Ademais, os solicitantes deben presentar unha declaración responsable que demostre que non están incursas en ningunha causa de prohibición segundo a Lei 9/2007 de subvencións de Galicia.
CONTÍA DAS AXUDAS
- Axuda para a reposición do equipamento, material didáctico e/ou de xogo: 1.500 €.
- Axuda para o mantemento da prestación dunha atención personalizada a nenos e nenas de 0-3 anos: 29.000 € por ano, sempre que se cumpran as condicións establecidas, como ofrecer atención integral e personalizada, manter casa niño aberta durante oito horas diarias de luns a venres, e contar cunha persoa substituta en caso de ausencia da titular.
PRAZO DE SOLICITUDE
Aberto ata o 20 de febreiro de 2025
MÁIS INFORMACIÓN
CÓDIGO DE PROCEDEMENTO BS403B
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.