QUE É UNHA S.L.?
Unha Sociedade Limitada (máis coñecida polas súas siglas S.L.) é unha sociedade mercantil na que o capital está dividido en participacións sociais, e os socios non responden co seu patrimonio persoal polas débedas da empresa, senón unicamente polo capital achegado. É dicir, a responsabilidade está limitada á súa achega. Esta forma societaria está regulada pola Lei de Sociedades de Capital.
| Nº de socios | Responsabilidad | Capital | Fiscalidad |
| Mínimo 1 | Limitada al capital aportado | Mínimo 1 € | Impuesto sobre Sociedades |
VANTAXES
As S.L. contan coas seguintes vantaxes:
- Responsabilidade limitada: Os socios só perden o capital investido, non o seu patrimonio persoal.
- Capital social reducido: Pódese constituír cun capital mínimo de 1 euro, aínda que se recomenda un mínimo de 3.000 € para garantir solvencia inicial.
- Fiscalidade clara: Tributa polo Imposto de Sociedades, xeralmente cun tipo fixo (a miúdo máis vantaxoso que o IRPF).
- Posibilidade de varios socios: Pódese constituír por unha ou varias persoas, físicas ou xurídicas.
- Maior credibilidade: Fronte a autónomos, unha S.L. adoita ofrecer máis confianza a provedores, clientes e entidades financeiras.
TIPOS/CLASES
Existen varios tipos de S.L. a maiores:
- S.L. Unipersoal (SLU): Só ten un socio, que pode ser persoa física ou xurídica.
- S.L. Laboral (SLL): Os traballadores deben posuír polo menos o 51% do capital social.
- S.L. Profesional (SLP): Para exercer actividades profesionais que requiren titulación (avogados, arquitectos, etc.).
TRÁMITES DE CONSTITUCIÓN
Necesitas ter os seguintes documentos:
- Certificación negativa do nome: Solicitar no Rexistro Mercantil Central para asegurarse de que o nome escollido non está rexistrado.
- Depósito do capital social: Ingreso do capital mínimo (mínimo 1 €, recomendados 3.000 €) nunha conta bancaria a nome da futura sociedade.
- Escritura pública de constitución: Asinada ante notario, inclúe estatutos sociais e datos dos socios.
- Inscrición no Rexistro Mercantil: Para que a sociedade teña personalidade xurídica plena.
- Solicitude do NIF provisional e definitivo: Na Axencia Tributaria.
- Alta en obrigas fiscais (IAE, IVA, etc.): Segundo a actividade da empresa.
- Comunicación da apertura do centro de traballo: Ante a Consellería de Emprego, se hai empregados.
- Inscrición na Seguridade Social: Como empresa e, no seu caso, dos traballadores.
CONSTITUCIÓN RÁPIDA A TRAVÉS DOS PAE
No caso das Sociedades de Responsabilidade Limitada, existe a posibilidade de realizar a súa constitución de forma rápida e telemática a través dos Puntos de Atención ao Emprededor (PAE). Estes puntos ofrecen servizos gratuítos de información, asesoramento e tramitación administrativa para axilizar o proceso de creación da empresa.