O INJUVE (Instituto de la Juventud de España) lanza unha nova edición do Certame Nacional de Mozos Emprendedores 2025, unha iniciativa que busca apoiar o talento xuvenil e fomentar proxectos innovadores. Os dez mellores recibirán unha axuda económica de 20.000 euros cada un para consolidar o seu negocio.
REQUISITOS PARA PARTICIPAR
- Ter ata 35 anos na data límite da presentación.
- Posuír nacionalidade española ou residencia legal en España.
- Ser responsable dunha empresa con entre 1 e 3 anos de antigüidade.
- No caso de persoas xurídicas, polo menos o 51% do capital debe pertencer a mozos de ata 35 anos.
PRESENTACIÓN DE SOLICITUDES
O prazo de presentación de solicitudes está aberto ata o 10 de abril de 2025. Así, existen dous procesos de inscrición diferenciados:
- Persoas físicas: A través da Sede Electrónica do Ministerio de Mocidade e Infancia, rexistros electrónicos, oficinas de rexistro físicas, oficinas de Correos ou representacións diplomáticas no estranxeiro.
- Persoas xurídicas: Exclusivamente por medios electrónicos, mediante a Sede Electrónica ou o rexistro electrónico.
CRITERIOS DE VALORACIÓN
Este Certame ten como finalidade apoiar proxectos innovadores, polo que só se terán en conta os que acheguen ese carácter de innovación.
A innovación poderá ser:
- Innovación de produto: introdución dun ben, produto ou servizo novo, cun alto grao de mellora en relación ás súas características ou ao seu uso.
- Innovación de proceso: implantación dun método de produción ou distribución novo ou cun alto grao de mellora.
- Innovación de marketing: implantación dun novo método de comercialización que leve consigo importantes melloras no deseño do produto ou na súa presentación ou na súa política de posicionamento, promoción ou prezo.
- Innovación organizacional: implantación dun novo método de organización aplicado ás prácticas de negocio, ao lugar de traballo ou ás relacións externas da empresa.
Aplicaranse os seguintes criterios de valoración:
a) Modelo de negocio, sustentabilidade e potencialidade de crecemento (ata 10 puntos).
b) Resultados económicos, tanto los obtidos ata agora como os esperados (ata 10 puntos). c) O carácter innovador e orixinal do proxecto e o uso de novas tecnoloxías (ata 10 puntos). d) A creación de emprego (hasta 5 puntos).
e) Prospección, apertura e presenza en mercados internacionais (ata 5 puntos).
MÁIS INFORMACIÓN
Accede aquí á convocatoria e anexos de solicitude
Para calquera dúbida sobre o proceso de rexistro, pódese contactar a través do correo sedeelectronica@injuve.es, e para consultas sobre a convocatoria, no enderezo emprendimiento@injuve.es.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.