A través desta convocatoria, concédense subvencións para fomentar a protección da innovación mediante solicitudes de patentes e modelos de utilidade, tanto a nivel nacional como internacional. A finalidade é apoiar ás empresas e inventores na protección das súas invencións, reducindo os custos asociados aos procedementos de solicitude.
Esta convocatoria inclúe dous programas:
a) Programa de subvencións para o fomento de solicitudes de patentes e modelos de utilidade no exterior. Dirixido a estimular a protección internacional da tecnoloxía a través das patentes ou modelos de utilidade. O obxectivo deste programa é mellorar a competitividade das empresas que queiran ampliar mercado fóra de España, especialmente as PEMEs e persoas físicas.
b) Programa de subvencións para o fomento de solicitudes de patentes e modelos de utilidade españois para as PEMEs e as persoas físicas. Dirixido a estimular a protección nacional da tecnoloxía a través de patentes ou modelos de utilidade co fin de mellorar a competitividade das PEMEs e das persoas físicas.
Beneficiarios
Programa nacional:
- Persoas físicas
- Pequenas e medianas empresas (PEME) con domicilio fiscal en España.
Programa internacional:
- Persoas físicas.
- PEME.
- Grandes empresas do sector privado.
- Institucións privadas sen ánimo de lucro sen dependencia ou vinculación ao sector público.
Todos os beneficiarios deben ter domicilio fiscal en España.
Requisitos adicionais:
- Estar ao corrente das obrigas tributarias e coa Seguridade Social.
- As actuacións deberán estar realizadas nos períodos fixados en cada convocatoria anual.
Exclusións:
- Entidades públicas e institucións vinculadas ao sector público.
- Solicitudes de invencións xa subvencionadas anteriormente por este mesmo programa.
Actividades subvencionables
Programa nacional:
- Taxas por solicitudes de patentes e modelos de utilidade.
- Taxas por informes sobre o estado da técnica (IET).
- Taxas por solicitudes de exame substantivo.
Programa internacional:
- Custos de solicitude de patentes e modelos de utilidade en oficinas estranxeiras.
- Custos de tramitación de solicitudes vía PCT.
- Custos de validación de patentes europeas.
- Gastos de tradución e representación legal en oficinas estranxeiras.
Contía de axuda
Programa nacional:
- Ata o 90% do custo subvencionable para PEME e persoas físicas.
Programa internacional:
- Ata o 80% para grandes empresas.
- Ata o 90% para PEME e persoas físicas.
O orzamento total desta convocatoria é de 5.300.000,00 €.
Prazo de solicitudes
Ata o 16 de maio de 2025.
Máis información
Acceder ao procedemento de tramitación a través de este enlace.
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
Este resumo ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.