O Programa coopera rural: Fortalecendo o tecido cooperativo no rural ofrece formación gratuita co apoio da REDE EUSUMO e do Programa de Emprego, Formación, Educación e Economía Social para fomentar o modelo cooperativo no medio rural.
Cunha metodoloxía activa e participativa, cada curso terá dúas sesións virtuais de aprendizaxe que complementan os materiais do curso, utilizando medios audiovisuais para enriquecer as exposicións e organizando traballo en grupo pequeno, entre outras prácticas, para potenciar o emprendemento a través da fórmula do autoemprego cooperativo.
QUEN PODE PARTICIPAR?
- Persoas interesadas no emprendemento cooperativo, tanto desempregadas como en activo, vinculadas co mundo rural.
OBXECTIVOS
- Achegar recursos e medidas de apoio existentes que favorecen o emprendemento cooperativo.
- Desenvolver as habilidades persoais claves no traballo colaborativo.
- Descubrir e aplicar as habilidades nun contorno cooperativo.
PROGRAMA DO CURSO
O curso terá unha duración de 25 horas e desenvolverase na Aula Virtual de EspazoCoop e divídese nos seguintes módulos:
- A comunicación
- O traballo en equipo
- A toma de decisións
- O liderado nas cooperativas
Para inscribirte no curso deberás completar os datos deste formulario.
DATA DO EVENTO
Dende o 19 de xuño ata o 7 de xullo de 2024.
MÁIS INFORMACIÓN
Para máis infomación a cerca do programa visita as webs: Eusumo e EspazoCoop ou contacta a través de patane@espazo.coop ou 881 887 456.