Etiqueta Emprego femenino

O programa Emega comprende un conxunto de axudas dirixidas a apoiar a posta en marcha, a mellora e a reactivación de iniciativas empresariais constituídas por mulleres, xunto con medidas complementarias para favorecer a conciliación da vida persoal, familiar e laboral. Se es muller e iniciaches a túa actividade económica ou levaches a cabo un plan de reactivación e/ou mellora no período comprendido entre o 14 de agosto de 2025 e o 3 de agosto de 2026 estas axudas poden ser do teu interese.

Este programa ten como obxectivo impulsar a creación, consolidación e innovación de iniciativas empresariais lideradas por mulleres, así como promover a conciliación da vida laboral e familiar. Emega inclúe varias liñas de axuda específicas (Emerxe, Impulsa, Innova e Concilia) para apoiar o emprego feminino estable e contribuír ao desenvolvemento económico e social en Galicia.