OBXECTIVO
Este programa ten por obxectivo contribuír á mellora da competitividade das Pemes participantes mediante a integración da innovación nas súas estratexias empresariais. Neste ámbito traballaranse nos seguintes puntos: procesos, organizacións, comercializacións, creación conxunta e innovación centrada nos usuarios e impulsada pola demanda.
Accións de apoio directo que inclúe o programa:
- Fase I. Diagnóstico Asistido en Innovación: permitirá á PEME analizar o seu nivel en materia de innovación e as súas posibilidades de mellora mediante o estudo do nivel de competitividade da empresa no seu entorno económico e do mercado.
- Fase II. Axudas económicas: para a implantación de solucións e melloras detectadas na fase anterior que se concretan no Plan Personalizado de Implantación, o prazo máximo para o desenvolvemento da fase de axudas é de 6 meses.
BENEFICIARIOS
PEMES e autónomos/as da demarcación territorial da Cámara de Comercio de Pontevedra, Vigo e Vilagarcía de Arousa, que se atopen dados de alta no Censo do IAE con anterioridade ao 1 de xaneiro de 2022.
Ademais, deberán cumprir os seguintes requisitos:
- Facturación mínima anual de 100.000€ no último exercicio pechado.
- Ter o domicilio social e/ou centro de centro produtivo nalgún dos municipios da demarcación da Cámara de Comercio, Industria, Servizo e Navegación de Pontevedra, Vigo e Vilagarcía de Arousa.
- Estar ao corrente das obrigas tributarias e fronte a Seguridade Social.
- Cumprir as normas de minimis.
- Poderán optar directamente a Fase II aquelas PEMES que xustificaran documentalmente a súa participación previa na Fase I (diagnóstico) da convocatoria do programa de Ciberseguridade da anualidade 2023 ou acrediten que participaron na anualidade anterior nun programa similar de Asesoramento na mesma materia de organismos de Promoción das Comunidades Autónomas, organismos públicos nacionais, rexionais ou locais ou de Cámaras de Comercio.
Exclusións:
- Comunidades de bens, sociedades civís, unións temporais de empresas (UTE), asociacións, fundacións e en xeral entidades sen ánimo de lucro.
- Persoas en situación de autoemprego con consideración de autónomos societarios ou colaboradores.
- Empresas do sector primario, produtos da pesca e acuicultura.
- Non poderán financiarse na Fase de Implantación de Axudas, aquelas solucións tecnolóxicas que foran financiados no programa Kit Dixital en calquera das súas convocatorias.
- Non poderán participar na Fase I de diagnóstico as empresas que realizaran o dito diagnóstico na convocatoria do programa Ciberseguridade da anualidade 2023.
- Non poderán ser beneficiarias da Fase II de Axudas as empresas que resultaran beneficiarias na convocatoria 2023.
GASTOS SUBVENCIONABLES
Gastos asociados a execución do Plan de Implantación por parte dos provedores libremente seleccionados pola empresa beneficiaria.
Para que as implantacións sexan subvencionables deberán ser os gastos aos que se apliquen os fondos establecidos na presente convocatoria e no Anexo V “Tipoloxía e Xustificación de Gastos Elixibles Fase II” da mesma.
Todos os gastos deberán iniciarse e estar finalizados e pagados , respectando as datas marcadas no convenio DECA e firmado coa Cámara de Comercio
O beneficiario deberá solicitar como mínimo 3 ofertas de diferentes provedores salvo que, polas súas especiais características, non exista no mercado suficiente número de entidades.
Adicionalmente, financiaranse os custos indirectos das empresas a tipo fixo aplicando o 7% dos custos directos subvencionables asociados ao plan de Implantación.
CONTÍA DA AXUDA
A contía máxima de axuda por empresa será de 4.494 € sobre un presuposto máximo elixible de 7.490 € (cofinanciación do FEDER ao 60%), que será prefinanciado na súa totalidade pola empresa beneficiaria.
PRAZO SOLICITUDE
Ata o 30 de xuño de 2024.
MÁIS INFORMACIÓN
Para acceder a máis información sobre estes Programas de Axudas consulta a seguinte LIGAZÓN.
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 423 366.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.