A Axencia Galega de Desenvolvemento Rural (AGADER) convoca para o 2025 as axudas ao abeiro da Intervencion Leader, cofinanciadas co Feader no marco do Plan Estratéxico da PAC 2023-2027 (PEPAC), que serán xestionadas polos Grupos de de Desenvolvemento Rural (GDR) exisentes en Galicia.
Dentro das distintas liñas de axudas previstas no marco da Intervención Leader, como novidade este ano, inclúese o Bono activa rural, unha subvención que se basea nun importe de axuda a tanto global destinado á creación e posta en marcha de actividades non agrarias en zonas rurais. A axuda non estará vinculada á xustificación de ningún gasto ou investimento, senón que se vincula ao mantemento da actividade e ao cumprimento do plan empresarial presentado pola persoa seleccionada durante polo menos 5 anos, contados desde a data da alta censual. Trátase dunha oportunidade pensada para quen quere emprender no rural con estabilidade e visión de futuro.
Beneficiarios
Persoas físicas que se dean de alta como autónomas e xeren unha actividade empresarial individual, xerando o seu propio posto de traballo.
Requisitos adicionais:
- Que non estiveran de alta na mesma actividade nos últimos 3 anos.
- Manter a actividade e cumprir o plan empresarial presentado durante 5 anos desde a alta censual.
- O plan debe demostrar viabilidade económica e técnica, segundo as condicións de mercado.
Actividades subvencionables
Subvencionaranse, ao abeiro desta convocatoria, a posta en marcha de actividades non agrarias en zonas rurais, tendo en conta que:
- Non se require xustificar gastos ou investimentos concretos.
- A axuda baséase no mantemento da actividade e cumprimento do plan empresarial.
- Os proxectos compiten cos demais de natureza produtiva da convocatoria.
Contía das axudas
A axuda será dun máximo de 18.000 € e pagarase en 2 anualidades.
Prazo
O prazo de solicitudes está aberto dende o 1 de maio de 2025 ata o 30 de maio de 2025.
Máis información
Acceder ao procedemento de tramitación: código de procedemento MR701L
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 423 366 ou ben directamente coa Asociación de Desenvolvemento Galicia Suroeste Eu Rural – GDR14, que é a que xestiona as axudas na área de Vigo-Baixo Miño, no teléfono 986 443 030
Este resumo ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.