A Xunta de Galicia convoca subvencións de apoio ao emprendemento para as persoas traballadoras autónomas e pequenas e medianas empresas, incluíndo cooperativas e sociedades laborais, que estean de alta e iniciasen a súa actividade económica a partir do 1 de xaneiro de 2021 no ámbito da Comunidade Autónoma de Galicia para a anualidade 2023.
A finalidade é facilitar as iniciativas de emprendemento, contribuíndo ao incremento da súa actividade económica, a súa competitividade e, en definitiva, manter o emprego de calidade, a traves apoios ao investimento realizado e pagado entre o 5 de novembro de 2022 e a data de presentación da solicitude.
Beneficiarias
Persoas traballadoras autónomas, pequenas e medianas empresas, sociedades cooperativas e laborais, empresas de inserción e Centros Especiais de Emprego que cumpran, entre outros, os seguintes requisitos:
- Ter domicilio fiscal en Galicia.
- Estar constituídas/dadas de alta e iniciar a súa actividade económica no entre o 1 de xaneiro de 2021 ata a data de presentación da solicitude.
- Ter presentado, segundo corresponda, as contas anuais do último ano no Rexistro Mercantil ou no Rexistro Cooperativas.
- Non ter sido beneficiario das axudas XEMPRE EMPRENDEMENTO na convocatoria do ano 2022.
Gasto subvencionable
Os investimentos xa realizados e pagados entre o 5 de novembro de 2022 e a data de solicitude, vinculados de xeito indubidable ao proxecto empresarial. En concreto:
- Equipamento informático: ordenadores, tabletas, equipamentos de rede, servidores, escáneres e similares, sempre que se destinen exclusivamente á actividade económica. Non serán subvencionables os teléfonos móbiles.
- Activos intanxibles: programas e software informáticos, páxina web, patentes, licenzas e outros dereitos de propiedade intelectual.
- Investimentos en eficiencia enerxética: productos e instalacións que reduzan o consumo enerxético, substitución de sistemas de iluminación, cambio de máquinas e instalacións de enerxías fósiles a enerxías limpas.
- Adquisición de bens de equipamento e mobiliario: maquinaria, bens de equipo ou ferramentas, equipos e medios de transporte interno, mobiliario, etc.
- Reforma e habilitación das instalacións do local de negocio: reparacións, decoracións ou ornatos (incluída a rotulación) que non modifiquen a estrutura construtiva do local
- Activos pertencentes a un establecemento ou de bens de equipamento de 2º man serán subvencionables sempre que cumpran os seguintes requisitos:
- Que os activos sexan adquiridos a unha persoa terceira non relacionada coa persoa compradora (*)
- Que conste unha declaración da persoa vendedora sobre a orixe dos bens e sobre que estes non foron obxecto de ningunha subvención nacional ou comunitaria.
- Que o prezo non sexa superior ao valor de mercado de referencia nin ao custo dos bens novos similares. Estes aspectos acreditaranse mediante certificación de taxador/a independente, ou dunha empresa subministradora de bens da mesma tipoloxía dos bens de segunda man obxecto de transacción.
Documentación a presentar
Xunto coa solicitude deberase achegar a seguinte documentación:
- Poder suficiente da peroa representante no caso de actuar mediante representación.
- Facturas e o seu xustificante bancario de pagamento correspondente(**). As facturas presentadas terán un importe mínimo de 300€ (IVE excluido)
- Censo de obrigados tributarios da Axencia Estatal de Administración Tributaria (modelo 036 ou 037).
- Ter depositado no rexistro correspondente ou aprovadas pola Asamblea Xeral, as contas anuais do último exercicio.
- Contrato ou documento de cración da comunidade de bens, sociedade civil ou entidades sen personalidade xurídica.
Contía da axuda
O importe da axuda calcularase tendo en conta as seguintes porcentaxes de intensidade en función do investimento subvencionable realizado:
- Para investimentos entre 5.000€ a 10.000€: 60% do investimento.
- Para investimentos entre 10.001€ a 30.000€: 50% do investimento.
- Para investimentos entre 30.001€ a 50.000€: 40% do investimento.
- Para investimentos entre 50.001€ a 100.000€: 30% do investimento.
En función do importe dos investimentos realizados, a axuda irá dende 3.000€ ata un máximo de 30.000€.
Prazo
O prazo para a presentación de solicitudes estará aberto ata o 29 de setembro de 2023, agás que se produza o esgotamento do crédito.
Só se presentará unha solicitude por persoa (de presentar máis dunha soliticute, só se terá en conta a última presentada, agás que a primeira xa estea resolta).
Máis información e acceso ao procedemento de solicitud
Acceder ao procedemento de tramitación:
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
| (*) Cando a persoa emprendedora sexa membro da familia do/da propietario/a inicial ou un/unha empregado/a e se faga cargo da pequena empresa para continuar coa actividade, non se aplicará a condición de que os activos deban ser adquiridos a terceiras persoas non relacionadas coa persoa compradora. (**)Para investimentos superiores a 15.000€ ou obras superiores a 40.000€ aínda non realizados no momento da publicación da convocatoria, deberá presentarse coa solicitude tres ofertas (con data previa ao compromiso de presentación) de diferentes empresas non vinculadas coa persona solicitante. A elección entre as ofertas atenderá a criterios de eficiencia e economía e deberase xustificar expresamente no anexo da solicitude cando non recaia na proposta económica máis ventaxosa. |
|---|