O obxectivodeste programa é dar apoio ás empresas de no desenvolvemento tecnolóxico e a
innovación a través do uso da Intelixencia Artificial, convocando axudas para o ano 2025 que
subvencionen proxectos encadrados dentro dalgunha das seguintes liñas:
- Liña A: Desenvolvemento de tecnoloxía para a mellora da actividade económica e
industrial e para a comercialización de novos produtos e servizos baseados en
Intelixencia artificial. - Liña B: Proxectos de implantación e aplicación de servizos e/o solucións comerciais
baseadas en Intelixencia Artificial para mellorar a competitividade das empresas de
Galicia, e proxectos no marco da xestión estratéxica do dato para acelerar a adopción de
solucións baseadas en Intelixencia Artificial. - Liña C: Proxectos de formación en Intelixencia Artificial en empresas de Galicia, para
mellorar a súa capacitación, competitividade e integración da Intelixencia Artificial nas
súas cadeas de valor.
Cada empresa só poderá presentar unha solicitude de axuda por cada unha das liñas (A, B e C).
Non obstante, as tres liñas son compatibles entre si, podendo beneficiarse as empresas do ciclo
completo (Intelixencia Artificial 360).
BENEFICIARIOS
Empresas galegas ou cun centro de traballo en Galicia de calquera sector excepto actividades de produción primaria de produtos da pesca ou acuicultura e produción primaria de produtos agrícolas e gandeiros.
Exclusións
Ademais das empresas dos sectores primarios de agricultura, pesca e gandería, non poderán ser beneficiarios:
- Empresas en situación financeira irregular:con débedas fiscais, coa Seguridade Social ou coa Xunta.
- Negocios considerados «en crise» segundo o Regulamento Europeo (UE) 651/2014.
- Empresas con ordes de recuperación pendentes por axudas ilegais ou incompatibles.
- Empresas con mala praxe: se non cumpren os prazos de pagamento a provedores en operacións comerciais, especialmente para axudas superiores a 30.000 €.
- Empresas que non cumpran as leis ambientais nacionais ou europeas.
ACTIVIDADES SUBVENCIONABLES
Os principais conceptos subvencionablespara cada unha das liñas son os seguintes:
Liña A: Desenvolvemento tecnolóxico
- Creación de tecnoloxías para mellorar actividades económicas e industriais.
- Comercialización de novos produtos ou servizos baseados en IA.
- Equipamentos e infraestrutura técnica necesarios para o proxecto.
- Contratación de servizos externos ou consultorías técnicas.
(Orzamento total para a liña A: 5.500.000€)
Liña B: Solucións comerciais e competitividade
- Solucións baseadas en IA para mellorar procesos internos.
- Xestión estratéxica do dato (exemplo: analítica avanzada ou sistemas de big data).
- Ferramentas dixitais que melloren a competitividade.
- Adquisición de licenzas de software necesario para estas solucións.
(Orzamento total para a liña B: 3.500.000€)
Liña C: Formación en IA
- Cursos, talleres ou programas específicos en IA.
- Formación práctica para integrar a intelixencia artificial nas cadeas de valor.
(Orzamento total para a liña C: 1.279.167€)
CONTÍA DAS AXUDAS
Establécese un importe mínimo de custo subvencionable total de 10.000 euros, para poder
solicitar as axudas.
A contía máxima de axuda por proxecto será de 60.000 euros, aplicándose as seguintes porcentaxes,
en función do tamaño da empresa:
- 70% sobre o investimento total subvencionablepara pequenas empresas
- 60% sobre o investimento total subvencionable para medianas empresas
- 50% sobre o investimento total subvencionable para grandes empresas
PRAZO
Liña A: 10/02/2025 9:00 am – 30/04/2025 14:00 pm
Liña B-C: 10/02/2025 9:00 am – 31/10/2025 14:00 pm
INCOMPATIBILIDADES
As axudas concedidas ao amparo desta convocatoria serán compatibles con calquera outra axuda,
ingreso ou recurso para a mesma finalidade, procedente de calquera outra Administración ou ente
público ou privado, sempre que a intensidade de axuda acumulada non supere o importe da
actuación.
Non obstante, son incompatibles con calquera outra subvención a fondo perdido do Igape para os
mesmos gastos e investimentos.
No caso de que se lle aplique o réxime de «minimis» (en función do establecido para cada unha das
liñas, non se pode superar o límite de 300.000 € en axudas acumuladas nos últimos 3 anos.
OUTRAS CUESTIÓNS IMPORTANTES A TER EN CONTA
- Trátase de axudas en concorrencia competitiva: As axudas resolveranse por orde de solicitude
- ata esgotar o crédito dispoñible.
- Os provedores non poderán estar asociados nin vinculados coa entidade solicitante ou cos
- seus órganos directivos ou xestores.
- Non serán subvencionables en ningún caso impostos, intereses e gastos financeiros, e taxas.
RECOMENDACIÓNS
Prepara e revisa toda a documentación antes de presentara solicitude para evitar atrasos ou erros.
Envía a túa solicitude o antes posible para garantir a dispoñibilidade de fondos.
MÁIS INFORMACIÓN
CÓDIGO DE PROCEDEMENTO: IG408M
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.