O Portal IPYME é un portal de recursos dependente do Ministerio de Industria e Turismo no que poderás atopar información sobre normativa e políticas públicas, estatísticas, noticias, ferramentas e publicacións de interese para as pequenas e medianas empresas.
Así, entre outros recursos de interese para as empresas e para as persoas emprendedoras, atopamos neste portal as “Guías para empresas”, espazo no que se recollen de forma simplificada unha serie de guías ou publicacións útiles no proceso de creación e xestión, tanto as do ciclo vital dunha empresa (guías de formas xurídicas, de creación, de cese,…) como outras tan prácticas como pode ser de sucesión ou transmisión de empresas ou sobre a definición do concepto Peme.
Para acceder a estes manuais, entra na páxina da oficina do Ministerio de Industria e Turismo, máis concretamente ao seu Portal IPYME, onde poderás atopar as guías que necesites.