A celebración do I Mercado de Oportunidades e Segunda Man – Primavera 2025 de Soutomaior busca ser un punto de encontro para a economía circular e o comercio local, co fin de promover a reutilización de produtos e o consumo responsable, contribuíndo así á sustentabilidade e á dinamización económica deste municipio. Poderán participar comercios, artesáns e particulares.
Se tes produtos de segunda man ou doutras tempadas para vender e queres participar neste mercado, xa tes o prazo aberto.
Quen pode participar
Pódense inscribir para vender produtos:
- Comercios locais.
- Artesáns.
- Persoas que desexen vender outros accesorios de segunda man para darlles unha nova vida.
Organización
Data: O mercado terá lugar o 18 de maio de 2025
Horario do mercado: de 11.00 a 20.00 horas
Lugar: Alameda Talo Río. Arcade (Soutomaior)
O Concello porá a disposición das persoas participantes mesas para colocar os produtos. As persoas deberán adaptarse á distribución e mobiliario que se lles adxudique, tendo en conta que a exposición dos produtos será en mesas.
Os prezos que se fixen deben ser acordes ao tipo de produtos e á filosofía deste mercado de oportunidades e de segunda man.
Solicitudes
As persoas interesadas deberán presentar unha solicitude de participación na sede electrónica do Concello de Soutomaior (https://soutomaior.sedelectronica.es/) completando o ANEXO 1_solicitude de participación, acompañando do DNI da solicitante ou representante.
Prazo
As solicitudes poderán presentarse ata o 14 de maio.
Máis información
Acceder ao procedemento de tramitación na sede electrónica: https://soutomaior.sedelectronica.es/info.
Tel. do concello: 986 705 106
Este resumo ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.