O programa ten por obxecto apoiar a conciliación da vida familiar e laboral dos traballadores autónomos en Galicia, facilitando:
- A contratación de persoal de apoio durante a baixa nos casos de maternidade ou paternidade o por risco durante o embarazo e/ou a lactación.
- A atención de menores, persoas maiores e persoas con discapacidade ou dependencia.
- A continuidade e consolidación de proxectos empresariais mediante axudas específicas.
A través desta convocatoria subvenciónanse parcialmente o custo dos centros e/ou servizos para o coidado de menores, maiores ou persoas con discapaidade ou dependencia no período subvencionable, que abrangue desde o 1 de outubro de 2024 ata o 30 de setembro de 2025.
Este programa inclúe as seguintes liñas:
- Bono Autónomo Concilia I, para a contratación dunha persoa traballadora para apoio do negocio durante o período de descanso por nacemento, adopción ou acollemento, e tamén no aso de baixa por risco durante o embarazo e/ou a lactación.
- Bono Autónomo Concilia II, para a contratación indefinida dunha persoa traballadora para apoio no coidado de menores, maiores e/ou persoas con discapacidade e dependencia (graos I, II e III).
- Bono Autónomo Concilia III, para os gastos dos centros e/ou servizos de coidado de menores, maiores e/ou persoas con discapacidade ou dependencia a cargo da persoa autónoma.
BENEFICIARIOS
As persoas traballadoras autónomas que estean de alta no RETA, noutro réxime especial por conta propia ou en Mutualidade e os membros de sociedades mercantís, laborais, civís e comunidades de bens, cos seguintes requisitos:
- Ter domicilio fiscal en Galicia.
- Desenvolver a actividade empresarial ou profesional en Galicia.
- Cumprir os requisitos esixidos na Lei de subvencións de Galicia.
Exclusións
Non poderán ser beneficiarios deste programa os socios de cooperativas, os autónomos colaboradores e administradores que non teñan participación na empresa.
Tampouco serán subvencionables ao abeiro desta orde:
- Os contratos realizados co cónxuxe, ascendentes ou descendentes de segundo grao, agás que se trate de:
- Fillos menores de 30 anos.
- Familiares menores de 45 anos en fogares sen empregados.
- Fillos maiores de 30 anos con discapacidade e dificultades laborais.
- As contratacións realizadas con persoas que xa estiveran contratadas pola persoa empregadora nos últimos 3 anos, agás contratos indefinidos realizados coa persoa substituta en caso de baixas por maternidade/paternidade.
- As persoas que xa foran beneficiarias do programa TR341R en convocatorias anteriores para a mesma persoa obxecto dos coidados, excepto no caso do programa Bono Concilia III.
ACCIÓNS SUBVENCIONABLES E CONTÍA DA AXUDA
A. BONO AUTÓNOMO CONCILIA I: Subvenciona a contratación realizada por unha persoa autónoma para a substitución durante as baixas de maternidade, paternidade, risco durante o embarazo ou lactación. Nesta mesma liña tamén se incentivan os contratos indefinidos realizados coa mesma persoa contratada para a substitución, unha vez rematado o período de descanso por nacemento, adopción ou acollemento.
Requisitos:
- A persoa solicitante deberá estar de baixa por enfermidade, por maternidade ou paternidade ou situacións similares.
- O contrato a realizar será un contrato de substitución, ou un contrato indefinido, se é o caso.
- A contratación deberá realizarse cunha persoa desempregada segundo a definición recollida no artigo 5 desta orde, e deberá realizarse no prazo subvencionable (entre o 1 de outubro de 2024 e o 30 de setembro de 2025).
Contía de axuda:
- No caso de contratos para a substitución, 1.100 € por mes completo ata un máximo de 8 meses (8.800 €).
- No caso de contrato indefinido, realizado unha vez rematado o período de substitución: 7.500 €, ampliables ata 9.000 € se o traballador pertence a colectivos de difícil inserción (mulleres, menores de 30 anos, maiores de 52, desempregados de longa duración, etc.)
B. BONO AUTÓNOMO CONCILIA II: Será subvencionable a contratación indefinida por parte da persoa autónoma para a atención de menores, maiores e/ou persoas con discapacidade ou dependencia.
Requisitos:
- O solicitante deberá acreditar a súa relación ata o segundo grao de consanguinidade ou afinidade coa persoa menor, persoas maiores e/ou persoas con discapacidade ou dependencia.
- No caso de que non exista a relación prevista no parágrafo anterior, deberá acreditarse a convivencia no mesmo domicilio que a persoa maior e/ou persoa con discapacidade (grao igual ou superior a 33%) e/ou dependente, polo menos nos tres últimos meses anteriores á presentación da solicitude.
- A contratación deberá realizarse cunha persoa desempregada segundo a definición recollida no artigo 5 desta orde, e deberá realizarse no prazo subvencionable (entre o 1 de outubro de 2024 e o 30 de setembro de 2025).
Contía de axuda:
- 7.500 €, ampliables a 9.000 € no caso de determinados colectivos de difícil inserción (mulleres, menores de 30 anos, maiores de 52, desempregados de longa duración, etc.)
C. BONO AUTÓNOMO CONCILIA III: Serán subvencionables os custos do centro e/ou servizos para o coidado de menores e maiores e/ou persoas con discapacidade ou dependencia no período comprendido entre o 1 de outubro de 2024 e o 30 de setembro de 2025.
No caso de menores será subvencionables os servizos de coidado que xurdan en períodos de vacacións escolares, cando os centros educativos están pechados segundo o calendario escolar oficial: asistencia a campamentos ou outros recursos de conciliación colectivos, especificamente organizados por calquera persoa física ou xurídica, pública ou privada.
Tamén se inclúen os servizos de coidado que xurdan fóra do horario escolar durante o período lectivo do centro onde está escolarizado o/a menor, que deberá acreditar mediante a presentación do horario oficial do colexio.
Requisitos:
- O solicitante deberá acreditar ter contratado un centro ou servizo de atención a menores, maiores e/ou persoas con discapacidade ou dependencia. Os centro se servizos deben estar situados en Galicia.
- O solicitante deberá acreditar a súa relación ata o segundo grao de consanguinidade ou afinidade coa persoa menor, persoas maiores e/ou persoas con discapacidade ou dependencia.
- No caso de que non exista a relación prevista no parágrafo anterior, deberá acreditarse a convivencia no mesmo domicilio que a persoa maior e/ou persoa con discapacidade (grao igual ou superior a 33%) e/ou dependente, polo menos nos tres últimos mese anteriores á presentación da solicitude.
Contía de axuda:
O 75% dos gastos asistenciais (centros ou servizos) xustificados ata un máximo de 3.000 €.
PRAZO
O prazo para presentar solicitudes estará aberto dende o 24 de xaneiro ao 30 de setembro de 2025.
A TER EN CONTA
Os tres tipos de axudas reguladas nesta orde (Concilia I, Concilia II e Concilia III son compatibles entre si).
As axudas concederanse en réxime de concorrencia competitiva. É dicir, resolveranse por orde de entrada da solicitude ata que se esgoten os fondos.
Estas axudas están suxeitas ao réxime de mínimis.
MÁIS INFORMACIÓN
Código de procedemento TR341R
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.