O próximo 13 de marzo, a Sede do Consorcio Zona Franca de Vigo acollerá a XXV edición do SALON FRANQUIATLÁNTICO & EMPRENDEDOR, un evento imprescindible para aqueles que buscan emprender, investir ou expandirse no mundo de las franquías, principalmente.
Data e horario: 13 de marzo de 2025, de 10:00 a 18:00 horas.
Lugar: Sede CZFV, con acceso pola Rúa Oporto, nº 1 – Vigo.
O salón Franquiatlántico consolídase, despois de todos estes anos, como un punto de encontro de referencia para emprendedores e inversores interesados no mundo das franquías.
O evento ofrece unha oportunidade para actualizarse sobre as últimas tendencias do sector, establecer contactos clave e descubrir novas oportunidades de negocios. Ademais de visitar a zona de exposicións, os asistentes poderán asistir a conferencias e debates de expertos, así como coñecer casos de éxito inspiradores.
A quen vai dirixido?
Este foro de negocios está deseñado para un público amplo, incluíndo:
– Emprendedores, que busquen iniciar ou expandir o seu negocio.
– Inversores, interesados no sector das franquías.
– Franquiciados e futuros franquiciados, que desexen explorar novas oportunidades.
– Estudantes e directivos de empresas en busca de crecemento e novas estratexias.
Que vas a atopar?
Zona de exposición con máis de 40 puntos informativos das diferentes empresa e organizacións participantes que darán asesoramento sobre franquías, recursos para emprender, etc.
Foro «Emprender con Éxito», no que expertos e empresas participantes tratarán temas de interese para as persoas emprendedoras.
Espazos de networking para xerar negocios e relacións profesionais.
En definitiva, FRANQUIATLÁNTICO & EMPRENDEDOR é unha cita imprescindible para as persoas emprendedoras que estean interesadas en investir en negocios que ofrecen un modelo de éxito xa probado. Non o perdas, activa a túa invitación aquí e estarás informado de todas as novidades.
Máis información: https://franquiatlantico.com/