A Axencia Galega de Innovación pretende impulsar a competitividade internacional das pemes e organismos de investigación galegos no ámbito I+D+i a través destas subvencións apoiadas con fondos FEDER. Estas axudas outorgaranse por orde de chegada das solicitudes ata o esgotamento.
BENEFICIARIOS
- As pemes e os organismos de investigación galegos (sempre que na proposta para a que solicite o bono participe tamén unha peme).
Requisitos entidades beneficiarias:
- Estar validamente constituídas no momento da presentación da solicitude.
- Ter o domicilio social ou un centro de traballo en Galicia.
- Non concorrer nelas algunha das prohibicións recollidas no artigo 10 da Lei 9/2007.
CARACTERÍSTICAS E REQUISITOS DOS BONOS
Requisitos dos bonos para a preparación de propostas europeas de I+D+i:
- Os bonos deberán solicitarse para a preparación de propostas que se vaian presentar antes do 30 de novembro de 2024 a convocatorias de I+D+i do programa Horizonte Europa ou doutros programas ou iniciativas europeas.
- As propostas deberán cumprir os seguintes requisitos
- As propostas deberán presentarse a convocatorias do programa Horizonte Europa ou de outras iniciativas europeas de I+D+i.
- Deberán ser propostas que se presenten a convocatorias dunha única fase ou, no caso de convocatorias con procedementos de avaliación de dúas fases, ser propostas completas que se presenten á segunda delas.
- Non poderá solicitarse un bono para unha proposta xa presentada ao programa Horizonte Europa ou outra iniciativa europea de I+D+i.
- Todas as propostas apoiadas deberán achegar o informe de avaliación ESR.
- Só poderán optar ao premio as propostas que xustificasen de forma axeitada a 1ª fase do bono.
GASTOS SUBVENCIONABLES
Gastos subvencionables nos bonos:
- Gastos de contratación de entidades especializadas para a preparación de propostas.
- pagamento das facturas da entidade consultora terá que ser anterior ao 15 de decembro do ano da convocatoria anual á cal se solicitou o bono.
CONTÍAS DAS AXUDAS
| INTENSIDADES MÁXIMAS BÁSICAS | |
| Bono inicial para a preparación da proposta europea | 30% |
| Incentivo/premio no caso de que a proposta supere os límites da convocatoria europea de I+D+i | 20% |
| INTENSIDADES MÁXIMAS | ||
| Bonos solicitados por pemes no caso en que no consorcio participe polo menos un organismo de investigación galego | Bono inicial para a preparación da proposta europea | 35% |
| Incentivo/premio no caso de que a proposta supere os limiares da convocatoria europea de I+D+i | 25% | |
| Bonos solicitados por organismos de investigación no caso en que no consorcio participe máis dunha peme ou a proposta se presente a unha convocatoria europea de financiamento en cascada | Bono inicial para a preparación da proposta europea | 35% |
| Incentivo/premio no caso de que a proposta supere os limiares da convocatoria europea de I+D+i | 25% | |
| IMPORTES MÁXIMOS DO BONO | ||
| Nº socios do consorcio da proposta | Rol do solicitante na proposta | |
| Socio | Coordinador ou solicitante único | |
| ≥ 5 socios | 7.000 € | 17.000 € |
| < 5 socios ou solicitante único | 5.000 € | 10.000 € |
Estas axudas quedan sometidas ao réxime de minimis.
PRAZO
Desde o 14 de febreiro ata o 15 de novembro de 2024.
MÁIS INFORMACIÓN
CÓDIGO DE PROCEDEMENTO: IN851B
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituir a información proporcionada nos documentos oficiais.