A Xunta de Galicia pon de novo en marcha, neste ano 2025, o programa #DescubreGaliciaenOutono, un programa que ten como obxectivo incentivar a demanda interna de servizos turísticos e impulsar o turismo galego en outono, buscando, con isto, prolongar a actividade dos establecementos turísticos e dinamizar a economía e o emprego turístico.
O programa funciona a través da concesión de “bonos desconto” ou “bonos turísticos” para as persoas usuarias (clientes) cun valor de 150 € por persoa que poderán utilizar nos establecementos adheridos ao programa.
Beneficiarios: quen pode adherirse
- Os establecementos de aloxamento turístico da Comunidade Autónoma de Galicia: establecementos hoteleiros, campamentos de turismo, establecementos de turismo rural, apartamentos turísticos, vivendas turísticas e albergues turísticos.
- As axencias de viaxes que teñan un centro de traballo na Comunidade Autónoma de Galicia e que desenvolvan as súas actividades dentro do sector turístico vinculado a Galicia e presten os servizos, actividades ou produtos vinculados a este programa na Comunidade Autónoma de Galicia.
En ambos casos, os establecementos teñen que estar dados de alta no Rexistro de Empresas e Actividades Turísticas (REAT) da Xunta de Galicia.
Actividades subvencionables (servizos que poden pagarse co bono)
- Os servizos que presten os establecementos hoteleiros, apartamentos turísticos, vivendas turísticas, campamentos de turismo, establecementos de turismo rural e albergues da Comunidade Autónoma de Galicia, sempre cunha estadía mínima dunha noite.
- Os paquetes turísticos que oferten as axencias de viaxes sempre que nos devanditos paquetes se inclúa o aloxamento en establecementos hoteleiros, apartamentos turísticos, vivendas turísticas, campamentos de turismo, establecementos de turismo rural e albergues da Comunidade Autónoma de Galicia.
Os gastos deberán realizarse entre o 15 de setembro e o 25 de decembro de 2025, ambos incluídos (período de validez dos bonos).
Como funciona o bono turístico
- Os bonos serán descargados polas persoas usuarias (clientes) na web www.bonoturismo.gal e utilizados posteriormente nos establecementos adheridos. Cada persoa poderá descargar ata 2 bonos de 150 € cada un, cofinanciados nun 40% pola Xunta de Galicia e nun 60% polo solicitante.
- Estarán dispoñibles para a súa descarga por parte das persoas usuarias desde o día 18 de xullo ata o 19 de decembro de 2025 .
- Terán un formato dixital a través dun código QR, que ten carácter persoal e intransferible, e poderán utilizarse nunha aplicación que permita realizar pagamentos (wallet ou similar).
- Para trocar e utilizar os bonos, os establecementos de aloxamento turístico e de axencias de viaxes terán que descargar no seu móbil a App de bonos turísticos.
- O importe do bono irase reducindo en función do valor do gasto e poderá imputarse a un ou varios gastos de aloxamento. No momento de aboar o gasto correspondente ao aloxamento ou paquete turístico, as persoas usuarias deberán mostrar o seu bono en formato código QR para obter o desconto. Pola súa banda, as persoas titulares dos establecementos de aloxamento turístico e de axencias de viaxes terán que introducir na App o importe e o concepto do gasto e validar a operación. Se o saldo do bono non fose suficiente, as persoas usuarias deberán pagar o resto en efectivo ou con tarxeta, ata chegarao importe final do gasto realizado.
- As persoas titulares dos establecementos e das axencias adheridos ao programa recibirán cunha periodicidade semanal, na conta bancaria indicada para tal efecto, a cantidade equivalente aos bonos trocados no seu establecemento.
Actividades subvencionables
- Os servizos que presten os establecementos hoteleiros, apartamentos turísticos, vivendas turísticas, campamentos de turismo, establecementos de turismo rural e albergues da Comunidade Autónoma de Galicia, consistentes nunha estancia mínima dunha noite nos ditos aloxamentos turísticos.
- Os paquetes turísticos que oferten as axencias de viaxes que teñan un centro de traballo na Comunidade Autónoma de Galicia e desenvolvan as súas actividades dentro do sector turístico vinculado a Galicia, sempre que nos devanditos paquetes se inclúa o aloxamento en establecementos hoteleiros, apartamentos turísticos, vivendas turísticas, campamentos de turismo, establecementos de turismo rural e albergues da Comunidade Autónoma de Galicia.
Os gastos deberán realizarse entre o 15 de setembro ata o 25 de decembro de 2025 (ambos incluídos)
Obrigas dos establecementos
a) Anunciar no exterior do establecemento, nun lugar visible, a adhesión ao programa mediante a colocación dos correspondentes materiais publicitarios coa imaxe corporativa do programa.
b) Facer o desconto directo dos bonos nos tíckets ou facturas de compra emitidos, de xeito que as persoas usuarias non cheguen a realizar, en ningún caso, o desembolso do importe descontado.
c) Someterse ás actuacións de comprobación e vixilancia necesarias por parte da Axencia de Turismo de Galicia para verificar o adecuado funcionamento e xestión dos bonos e do programa en xeral.
d) Conservar durante un ano todos os tíckets ou facturas de compra xustificativos da aplicación dos bonos, para que poidan ser obxecto de comprobación e control por parte da Axencia de Turismo de Galicia.
e) Custodiar con dilixencia as claves de acceso á plataforma co fin de evitar o seu uso indebido.
f) Os establecementos adheridos non poden negarse a aplicar o bono, cando lle sexa solicitado pola clientela. O incumprimento suporá a baixa no programa
Contía dos bonos e porcentaxe de achega
| Importe bono | Achega | |||
|---|---|---|---|---|
| Administración | % | Persoa Beneficiaria | % | |
| 150,00€ | 60,00€ | 40 | 90,00€ | 60 |
Prazo
O prazo que teñen os establecementos turísticos e axencias de viaxes para adherirse ao programa estará aberto dende o 15 de xullo de 2025 ata o 1 de decembro de 2025.
Para as persoas usuarias, os bonos estarán dispoñibles para a súa descarga dende o día 18 de xullo ás 9.00 h. ata o 19 de decembro de 2025, ambos inclusive, salvo esgotamento previo do seu saldo.
Máis información
Acceder á tramitación: código de procedemento TU985F
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
Este resumo ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.