Obxecto
Financiar, en réxime de concorrencia non competitiva, a formalización de contratos formativos para a obtención da práctica profesional adecuada ao nivel de estudos das persoas participantes, promovendo a creación de emprego de calidade e a inserción laboral nos municipios da provincia.
Entidades beneficiarias
Os concellos da provincia de Pontevedra cunha poboación inferior aos 50.000 habitantes.
Requisitos adicionais:
- Ser persoas mozas desempregados inscritos como demandantes de emprego no Servizo Público de Emprego.
- Estar en posesión dunha titulación oficial universitaria (grao, licenciatura, diplomatura) ou de Formación Profesional (ciclos de grao medio ou superior).
- Cumprir cos requisitos legais establecidos para a formalización dun contrato formativo para a obtención da práctica profesional.
Exclusións:
- Concellos de 50.000 ou máis habitantes da provincia.
- Persoas que xa teñan realizado contratos formativos na mesma modalidade na mesma ou distinta empresa polo tempo máximo legal establecido.
- Postos que non se correspondan estritamente co nivel de estudos ou titulación oficial académica da persoa candidata.
Actividades subvencionables
A contratación a xornada completa de persoal técnico ou operativo para a realización de tarefas e servizos propios da competencia municipal por un período máximo de 1 ano, vinculados directamente coa titulación do traballador.
O reparto de contratos por concello realízase de xeito directo segundo a súa poboación:
- Ata 3.000 habitantes: 1 contrato.
- De 3.001 a 10.000 habitantes: 2 contratos.
- De 10.001 a 50.000 habitantes: Ata 3 contratos.
Contía
A subvención mensual máxima que achega a Deputación varía segundo o grupo de titulación:
- Universitarios (Licenciatura/Grao): Ata 1.400 € ao mes (16.800 €).
- FP Grao Superior: Ata 1.200 € ao mes (14.400 €).
- FP Grao Medio: Ata 1.000 € ao mes (12.000 €).
Prazo
Do 1 de outubro ata o 22 de outubro de 2026.
Máis información
Acceder ao procedemento de tramitación:
- Código de procedemento: +Emprega nos Concellos 2026.
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación é só para fins informativos; en ningunha circunstancia o contido desta publicación poderá substituír a información proporcionada nos documentos oficiais.