BONO CULTURA 2022 - Emprende na rede

A Consellería de Cultura, Educación, Formación Profesional e Universidades procede á convocatoria de concesión de axudas económicas dirixidas a propiciar a reactivación do sector cultural de Galicia, estimulando a demanda e reducindo o impacto económico negativo derivado da crise económica actual.

A axuda farase efectiva a través dos bonos culturais, que poderán ser utilizados nos establecementos culturais radicados na Comunidade Autónoma de Galicia e adheridos ao programa, para a compra de produtos culturais, CD, vinilo, etc., material audiovisual, libros, videoxogos, entradas para salas de cine, concertos, espectáculos escénicos; entradas para cultura (museo, casa museo, etc.) e para a adquisición de calquera outro tipo de ben cultural.

Quedan fóra do programa os produtos de papelaría; os equipamentos, software e consumibles de informática e electrónica; os xogos de calquera tipo e os libros de texto para o ámbito educativo non universitario.,

En cada bono aplicarase un desconto do 50 % da compra realizada ata un máximo de desconto de 50 euros.

Para as persoas usuarias os bonos estarán dispoñibles para a súa descarga dende o 2 de novembro de 2022 ata o 31 de decembro de 2022 e poderán utilizarse ata o 31 de decembro de 2022.

ALTA E REQUISITOS DOS COMERCIOS PARA ADHESIÓN O PROGRAMA

Poderanse adherir ao programa Bono Cultura os establecementos que cumpran os seguintes requisitos:

Persoas físicas ou xurídicas que teñan como obxecto da súa actividade o de venda ao consumidor/a de produtos e bens culturais.
Que desenvolvan a súa actividade en Galicia.
Centros ou locais públicos ou privados destinados á exhibición de produción cultural (salas de cine, teatros e auditorios, salas de concertos, salas de exposicións, etc.).
Museos, casas museo ou asimilados, tanto de titularidade pública como privada.
Asociacións, entidades e fundacións de carácter cultural, tanto públicas como privadas, que ofrezan produtos culturais.
Que estean dados de alta nalgún dos grupos ou epígrafes do IAE recollidos no ANEXO I, no caso de establecementos privados.

O importe máximo de bonos que poderá trocar cada entidade colaboradora será de 30.000 euros.

Os establecementos culturais que desexen adherirse ao programa Bono Cultura deberán rexistrarse a través da web www.bonocultura.gal e descargar á aplicación.

OBRIGAS

Os establecementos adheridos ao programa Bono Cultura terán as seguintes obrigas:

Anunciar no exterior do establecemento a adhesión ao programa mediante a colocación dos correspondentes materiais publicitarios que indica a orde.
Facer o desconto directo do bono no tícket ou factura de compra emitido, de xeito que o usuario non chegue a realizar, o desembolso do importe descontado.
Especificar na zona de caixa a política de devolución.
Someterse ás actuacións de comprobación e vixilancia necesarias por parte da Dirección Xeral de Cultura.
Conservar durante un ano todos os tíckets de compra ou facturas xustificativas da aplicación dos bonos.
Custodiar as claves de acceso á plataforma para evitar un uso indebido e non facilitárllelas a outras persoas ou establecementos.