Como crear experiencias no punto de venda?
A continuación amosámosche seis técnicas moi prácticas para crear experiencias no punto de venda:
1. SITÚA OS TEUS PRODUTOS EN CANLES POUCO HABITUAIS:
Situar un produto, nun lugar no que non é habitual compralo, xa é de seu unha sorpresa para calquera consumidor. É unha forma de chamar a atención con moi pouco esforzo.
2. AXUDAR A INNOVAR AOS TEUS CLIENTES:
Unha clave fundamental para sorprender a calquera cliente é axudarlle a resolver un problema ou propoñerlle algunha mellora sobre o seu propio negocio. A sorpresa (e gratitude) será maior canto menos estea relacionado o apoio prestado cunha estratexia de venda. Ou, dito noutras palabras, trátase de axudarlle sen pedirlle nada a cambio.
3. TRANSFORMAR AO COMERCIAL EN XESTOR DOS TEUS CLIENTES:
Poñer facilidades aos clientes á hora de comprar co fin de aforrarlles tempo, en principio non parece unha estratexia de diferenciación moi orixinal; con todo, funciona porque moi poucas empresas o fan realmente. A maior innovación na estratexia de orientación ao cliente foi o cambio de cultura do seu equipo de vendas. Dese modo, crearon un equipo de xestores externos aos seus locais, que axudaban a axilizar as vendas. Esta forza de vendas externa enviaba unha comunicación ao centro cando terminaba de visitar a un cliente, coas conclusións da visita.
4. COBRAR POLO QUE VERDADERAMENTE SE EMPREGA:
Os negocios baixo custo afixéronnos a non pagar por servizos engadidos que non utilizamos. Con todo, a maioría das empresas establecen prezos estandarizados para todos os clientes.
5. FACERLLES SENTIR ÚNICOS CON PROPOSTAS EXCLUSIVAS:
Trátase de poñer ao alcance do cliente algo único, que se goza de forma exclusiva, pero que non necesariamente ten que ter un prezo prohibitivo. O obxectivo é facer sentir ao cliente que está a vivir unha experiencia moi especial. A recompensa de tanto coidado cara ao cliente é equivalente a unha taxa de fidelidade moi alta.
6.VINCULA O TEU PRODUTO A RITUAIS DE CONSUMO:
O deleite dos clientes ocorre non só cando os seus desexos e necesidades se satisfán, senón que sucede cando estas satisfaccións exceden as súas expectativas. Cando falamos de rituais de produto, a experiencia xérase desde o propio uso do produto, máis aló dos seus usos funcionais. Os negocios andan en busca de facer da publicidade unha forma de marketing experimental co fin de establecer vínculos emocionais co consumidor.
