A Uvigo oferta un curso para persoas emprendedoras relacionado co entorno marítimo.
De seguido deixámosche información sobre o curso impartido na Universidade de Vigo dirixido a persoas tituladas universitarias con ou sen experiencia profesional, estudantes de calquera especialidade e profesionais directamente especializados coa materia a impartir. Os obxectivos deste curso son proporcionar ferramentas necesarias que permitan ao alumnado identificar intereses, habilidades, valores e características persoais; saber planificar obxectivos profesionais e saber potenciar a conexión entre a capacitación profesional e as necesidades dos sectores profesionais que desenvolvan a súa actividade entorno ao mar.
Trátase dun curso presencial impartido desde o mes de xaneiro até o de xullo de 2018. As aulas son en horario de tarde de 15.30 a 20:30 horas. En total o curso conta con 200 horas e 6 créditos ECTS. Pódeste anotar no proceso de selección que conta con 30 prazas. Ademais, este curso ofrece ao estudantado a oportunidade de realizar prácticas profesionais en empresas.
Consulta toda a información sobre o curso en Innovación Competitividade e Emprendemento en: www.icemar.webs.uvigo.es/