OUI JANE! nace cun obxectivo moiclaro: levar o feminismo á cadea de valor textil.
A maior parte das persoas que traballan no sector textil a nivel global son mulleres, aínda que tamén son as que sofren a precariedade. Moitas marcas nos derradeiros anos venden camisetas con mensaxes feministas e de empoderamento feminino; aínda que as súas cadeas de valor non son coherentes con eses lemas. Deste xeito naceu OUI JANE!, para que o feminismo non sexan só palabras vacías, senón un xeito real de facer as cousas dende cero e con conciencia.
Buscan talleres e proxectos sociais relacionados co sector textil liderados por cooperativas de mulleres e talleres que ofrezan mellores condicións de vida de estas.
