A finalidade da convocatoria do VIII Premio CGAC de investigación e ensaio sobre arte contemporánea é contribuír á divulgación e reflexión crítica sobre a arte contemporánea en Galicia, impulsando ao mesmo tempo o uso do galego neste ámbito cultural.
Beneficiarios
Poderán optar ao premio as persoas físicas maiores de idade que presenten un traballo inédito e individual sobre arte contemporánea.
Requisitos adicionais:
- O ensaio debe estar redactado en galego.
- O traballo debe ser inédito, é dicir, non publicado previamente en ningún formato (nin impreso nin dixital).
- A autoría debe ser individual (non se admiten traballos colectivos).
Exclusións:
- Non poden participar persoas que xa obtiveran este premio en edicións anteriores.
- Quedan excluídas as persoas que presenten un traballo que non sexa orixinal ou vulnere dereitos de terceiros.
- Non se admitirán ensaios xa premiados noutras convocatorias ou presentados simultaneamente a outros certames.
Actividades subvencionables
Elaboración dun ensaio inédito sobre arte contemporánea, cun enfoque analítico, crítico ou teórico.
Contía
A contía da axuda establecida na orde é de 3.000 euros brutos.
Prazo
O prazo estará aberto ata o 01/09/2025 ás 23:59.
Máis información
Acceder ao procedemento de tramitación:CT143A
Para calquera información a maiores sobre esta convocatoria, podes poñerte en contacto co Centro Galego de Arte Contemporánea, nos teléfonos 981 546 614 ou 981 546615 ou a través do correo electrónico cgac@xunta.es
O contido desta presentación ten unicamente fins informativos; en ningunha circunstancia poderá substituír a información proporcionada nos documentos oficiais.