Está aberto o prazo para a inscrición na segunda edición en Galicia do programa Olympe Emprende, dirixido a apoiar o emprendemento feminino con valores e principios de economia social.
O programa está liderado por Tandem Social, Abeluria Coop e Wazo Coop e conta co cofinanciamento do Fondo Social Europeo.
Os requisitos para poder participar no programa Olympe Emprende son básicamente: que se trate de proxectos de emprendemento liderados por mulleres, que encaixen cos valores da economía social e solidaria e que teñan o seu ámbito de actuación en Galicia.
BENEFICIARIAS
Poderán ser beneficiarias deste Programa aquelas persoas que cumpras cos seguintes requisitos:
- Ser muller e residir en Galicia
- Terán prioridade aqueles proxectos que queiran crear unha empresa cooperativa en Galicia ou que teñan establecida unha cooperativa liderada por mulleres en 2022
- Só se admitirá unha solicitude de participación por muller, que será a primeira que se presente correctamente documentada.
- Cada solicitude de participación, se está seleccionada, dá dereito a unha persoa a participar no programa Olympe Emprende. No caso de que queiran participar varias persoas do mesmo equipo de emprendemento, cada unha delas deberá presentar a súa candidatura.
- Comprometerse a participar en todas as fases e actividades do programa
- Non se terá en conta calquera solicitude que se presente fóra da canle establecida ou despois do prazo de presentación
OBXECTIVOS DO PROGRAMA
Experiencias formativas innovadoras
- Itinerarios de formación presencial e online
- 72 horas de formación relacionadas co modelo de negocio con impacto social, ferramentas para fortalecer os proxectos e mellorar as competencias emprendedoras
Habilidades e Coñecementos
- Acompañamento para reforzar a sostibilidade económica
- Acompañamento a reforzar a xeración de alianzas entre iniciativas do territorio
- Acompañamento a reforzar as competencias de liderado en feminino
- 12 horas de acompañamento individual en liña por participante
Acompañamento territorial, estratéxico e competencial individual
- Oportunidade de realizar networking
- Atopar potenciais persoas socias ou colaboradoras
- Coñecer modelos referentes do territorio así como entidades financiadoras a través de webinars e tours de emprendimiento
- Compartir os avances con mulleres
Acompañamentos grupais, networking e modelos referentes
- Coñecer de primera man as oportunidades do emprendemento colectivo
- Ampliar habilidades
- Mellorar competencias
- Aproveitar metodoloxías socialmente innovadoras,
Os proxectos participantes no programa terán a oportunidade de presentarse ao premio Olympe Emprende, o cal se baseará en apoio económico ata un máximo de 3.000€ para promover a creación de cooperativas
PRAZO
O prazo de presentación de solicitudes remata o 31 de decembro de 2021 ás 23.59h.
MÁIS INFORMACIÓN
Para máis información podes consultar a páxina web de Abeluria onde se atopan recollidos o formulario e as bases do programa.