CATEGORÍAS
- Categoría Novo proxecto: Premio Juana Novel 2022. Ás que están a empezar.
- Categoría Proxecto consolidado: Premio Juana Veterana 2022. Ás que están consolidadas
- Categoría Proxecto honorífico concedido pola Escola [sen candidatura]: Premio Juana Inspiradora 2022. Ás que son un referente.
- Categoría Con Nome Propio: un premio para todas as candidatas polo esforzo de emprender
BENEFICIARIAS
Segundo cada categoría poderán ser beneficiarias:
Premio Juana Novel 2022. Ás que están a empezar.
- Ser muller maior de 18 anos ou un colectivo de persoas maiores de 18 anos, sempre que a participación feminina constitúa máis do 50% do equipo.
- Empresa constituída entre xaneiro de 2019 e a data de convocatoria destes premios.
- Poderán participar empresas constituídas con calquera forma xurídica.
- Deberán ser Pemes segundo a definición establecida na Recomendación da Comisión Europea do 6 de maio de 2003.
- Poderán participar empresarias autónomas que acrediten o cumprimento dos criterios expostos no sistema de valoración que se recolle no apartado 8 destas bases.
- Desenvolver unha actividade empresarial orixinal, creativa, innovadora, sustentable.
- Estar rexistradas na web da Escola.
Categoría Proxecto consolidado: Premio Juana Veterana 2022. Ás que están consolidadas
- Ser muller maior de 18 anos ou un colectivo de persoas maiores de 18 anos, sempre que a participación feminina constitúa máis do 50% do equipo.
- Empresa constituída antes do 1 de xaneiro de 2019.
- Deberán ser Pemes segundo a definición establecida na Recomendación da Comisión Europea do 6 de maio de 2003.
- Poderán participar empresarias autónomas que acrediten o cumprimento dos criterios expostos no sistema de valoración que se recolle no apartado 8 destas bases..
- Desenvolver unha actividade empresarial orixinal, creativa, innovadora, sustentable.
- Estar rexistradas na web da Escola
- Poñer en práctica os valores e principios da Economía Social e Solidaria, da Economía Feminista e dos Procesos Colectivos
PREMIO
Premio Juana Novel 2022. Ás que están a empezar.
- Premio en metálico: por importe de 2.500€.
- Programa de seguros para 1 ano [Responsabilidade Civil – Danos e accidentes] de ata 1.000 € [ Seryes].
- Acceso a un proceso extra individualizado de tutorización e acompañamento especializado de 10 h para impulsar as áreas de mellora detectadas no proxecto, poñerase en marcha a partir de setembro de 2022.
- Difusión especial en web e redes sociais da Escola de Emprendedoras Juana Millán e de Xuntas Emprendemos.
- Presentación do proxecto no evento presencial de entrega de premios en novembro de 2022. Realizarase a preparación do acto de presentación con expertas en comunicación
Premio Juana Veterana 2022. Ás que están consolidadas
- O premio consiste na prestación de servizos para o impulso do proxecto, valorados en 2.500€. Os servizos acordaranse coas premiadas, en función das súas prioridades, e poderán ser, por exemplo: imaxe de marca, renovación de web, deseño de publicidade, análise financeira, servizos xurídicos, etc.
- Servizo gratuíto de análise de riscos e auditoría de seguros [ Seryes].
- Acceso a un proceso extra individualizado de tutorización e acompañamento especializado de 15 h para impulsar as áreas de mellora detectadas no proxecto: poñerase en marcha a partir de setembro de 2022.
- Difusión especial en web e redes sociais da Escola de Emprendedoras Juana Millán e de Xuntas Emprendemos.
- Presentación do proxecto no evento presencial de entrega de premios en novembro de 2022. Realizarase a preparación do acto de presentación con expertas en comunicación
Premio Juana Inspiradora 2022. Ás que son un referente.
Este premio consistirá nunha campaña de visibilización e difusión en medios da empresa premiada cun vídeo promocional.
Premio para todas as candidatas polo esforzo de emprender.
Este premio consistirá nunha campaña de visibilización e difusión en medios da empresa premiada cun vídeo promocional.
PRAZO
O prazo de presentación de solicitudes remata o vindeiro 15 de xullo de 2022 ás 23:59.
MÁIS INFORMACIÓN
Para máis información podes consultar as bases premendo aquí