OITAVA EDICIÓN DOS PREMIOS PROVINCIAIS Á XUVENTUDE 2024

A Deputación de Pontevedra pretende estimular e recoñecer a traxectoria, o esforzo e o compromiso daqueles/as mozos e mozas que desenvolvan unha labor relevante nos distintos ámbito obxecto desta convocatoria (cultura, ciencias, investigación, iniciativa empresarial…).

BENEFICIARIOS

As persoas físicas e xurídicas que cumpran os seguintes requisitos, segundo a categoría do premio na que participen:

1. Categorías:

• Investigación
• Contido audiovisual
• Traballo musical
• Traballo literario breve
• Banda deseñada
• Fotografía orixinal
• Deseño e moda

Están dirixidas a mozas e mozos con idades comprendidas entre os 16 e 35 anos na data de presentación de solicitudes que estean empadroados en calquera dos concellos da provincia de Pontevedra.

2. Categoría 1, proxectos de agrupacións estudiantís

Está dirixida a persoas físicas, mozas e mozos de entre 16 e 35 anos na data de presentación de solicitudes, que estean empadroados nalgún concello da provincia de Pontevedra, así como a algunha das seguintes clases de persoas xurídicas:

• Agrupacións estudantís

• Que estean legalmente constituídas e inscritas no rexistro de entidades correspondente.
• Que teñan a súa sede social nalgún concello da provincia de Pontevedra.
• Nas que polo menos un 75 % das persoas da entidade que desenvolva o proxecto social sexan persoas físicas con idades comprendidas entre os 16 e os 35 anos.
• Centros educativos de carácter público nos que o alumnado teña entre 12 e 18 anos.

3. Categoría 2, iniciativa empresarial. Está dirixida a:

• Persoas físicas

• Mozas e mozos de entre 16 e 35 anos na data de presentación de solicitudes que estean empadroados en calquera dos concellos da provincia de Pontevedra.
• Que estean dadas de alta no Réxime Especial de Traballadores por Conta Propia ou Autónomos (RETA), cunha antigüidade mínima dun mes antes da data de publicación destas bases.

• Persoas xurídicas

• Que teñan a sede social na provincia de Pontevedra.
• Nas que polo menos o 75 % dos membros da xunta directiva ou das administradoras e/ou administradores sexan persoas físicas con idades comprendidas entre os 16 e os 35 anos.
• Que estean legalmente constituídas e inscritas no rexistro público correspondente.
• Cuxo proxecto leve en funcionamento polo menos un mes no momento da convocatoria destes premios.

4. Na categoría 3, educación en valores, unicamente poden participar:

• Centros públicos de educación secundaria da provincia de Pontevedra en cuxos proxectos participen alumnas e alumnos de entre 12 e 18 anos.

5. Na categoría 6, no caso de que se trate dun grupo musical:

• Que as persoas que o integren teñan idades comprendidas entre os 16 e os 35 anos (admitirase a inscrición de grupos nos que polo menos o 75 % dos seus membros cumpra este requisito).
• Que polo menos o 75 % das persoas que o integren estean empadroadas na provincia de Pontevedra.

6. Na categoría 11, reacción polo clima:

• Persoas físicas: mozas e mozos de idades comprendidas entre os 16 e os 35 anos na data de presentación de solicitudes que estean empadroados nalgún concello da provincia de Pontevedra.
• Persoas xurídicas:

• Entidades de iniciativa social legalmente constituídas e inscritas no rexistro de entidades correspondente, con sede social na provincia de Pontevedra, nas que polo menos un 75 % dos membros da entidade que desenvolva o proxecto social sexan persoas físicas de entre 16 e 35 anos.
• Centros de educación secundaria da provincia de Pontevedra en cuxos proxectos participen alumnas e alumnos de idades comprendidas entre os 12 e os 18 anos.

CONTÍA DOS PREMIOS

CARACTERÍSTICAS DOS PROXECTOS

• Poderase concursar nunha ou en varias categorías cun proxecto en cada unha delas.
• O mesmo proxecto non poderá optar a máis dunha categoría
• Os proxectos ou traballos presentados deberán ser orixinais (non poden ser copiados, reproducidos nin imitados).
• Os proxectos presentados ás categorías traballo musical, traballo literario, banda deseñada, fotografía, e deseño e moda deberán ser inéditos.
• Non se poderán presentar proxectos que xa se presentasen total ou parcialmente en anteriores edicións destes premios.
• Todo o traballo e a súa documentación que se presenten en papel deberán entregarse tamén nun soporte USB.
• Os proxectos presentaranse de forma totalmente anónima (as categorías 1 Proxectos de agrupacións estudantís, 2 Iniciativa empresarial, 3 Educación en valores, 4 Investigación, 5 Contido audiovisual e 11 Reacción polo clima, cando fosen presentados por un centro escolar, estarán exentas deste requisito).

PRAZOS

O prazo de presentación de solicitudes: desde o 27 de febreiro ata o 26 de abril de 2024.

O prazo para presentar os proxectos rematará o 19 de agosto.

Máis información

BASES REGULADORAS E CONVOCATORIA DA OITAVA EDICIÓN DOS PREMIOS PROVINCIAIS Á XUVENTUDE, ANO 2024

Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.

O contido desta presentación ten unicamente fins informativos; en ningunha circunstancia o contido desta publicación poderá substituir a información proporcionada nos documentos oficiais.