Este programa refunde e remodela os anteriores programas InnovaPeme e DeseñaPeme. O obxectivo principal desta orde de subvencións do IGAPE é incrementar a capacidade innovadora das empresas galegas a través do financiamento de actividades e proxectos que melloren procesos, produtos e servizos, co foco posto na sustentabilidade e no deseño.
Para elo, o programa inclúe as seguintes liñas de actuación:
– Liña 1. Plans de innovación en procesos e organización. Inclúe actividades enfocadas en introducir melloras significativas nos métodos de produción, distribución e xestión empresarial.
– Liña 2. Plans de deseño para a innovación e a sustentabilidade. Enfócase no deseño de produtos ou servizos novos ou mellorados con criterios estéticos, funcionais e sostibles.
Poderán presentarse solicitudes a unha ou a ambas as dúas liñas anteriores.
BENEFICIARIOS
Poderán solicitar as axudas das liñas 1 e 2 as pequenas e medianas empresas galegas ou cun centro de traballo en Galicia.
Poderán solicitar as axudas da liña 2 tamén as grandes empresas (galegas ou cun centro de traballo en Galicia).
Deberán contar con capacidade administrativa, financeira e operativa suficiente para a execución dos proxectos subvencionados.
Exclusións:
Están excluídas deste programa:
- Asociacións, fundacións ou entidades sen ánimo de lucro.
- Empresas en crise ou con débedas pendentes relacionadas con subvencións.
- Entidades públicas ou empresas vinculadas á administración pública.
- Empresas que incumpran os prazos de pago estipulados pola Lei 3/2004 contra a morosidade.
ACTIVIDADES SUBVENCIONABLES
Na Liña 1 (Plans de innovación en procesos e organización) poderán incluírse as seguintes actividades:
- Innovación en procesos:
- Métodos de fabricación e produción novos ou mellorados .
- Sistemas loxísticos ou métodos de distribución innovadores.
- Métodos avanzados de procesamento de información e comunicación.
- Métodos de márketing innovadores (promoción, embalaxe, etc.).
- Innovacións con beneficios medioambientais, como reducir consumo de recursos ou contaminación.
- Testes piloto en tecnoloxías avanzadas como intelixencia artificial, impresión 3D, ciberseguridade, etc.
- Innovación en organización:
- Creación de departamentos ou unidades de I+D+i.
- Desenvolvemento de novos métodos organizativos que impacten na produción, distribución ou experiencia do cliente.
- Validación de novas metodoloxías a través de proxectos piloto.
No caso da Liña 2 (Plans de deseño para a innovación e a sustentabilidade) teñen cabida as seguintes accións:
- Deseño de produto/servizo. Desenvolvemento de novos produtos/servizos ou rediseño dos existentes
- Fase I: Estratexia e conceptualización (análise do contexto, definición de claves de deseño, brainstorming de solucións).
- Fase II: Deseño de detalle (definición técnica, selección de materiais, creación de modelos 3D, etc.).
- Fase III: Preindustrialización (prototipos, análise de ensamblaxe, especificacións para produción).
- Deseño sostible e circular:
- Creación de produtos ou servizos que contribúan á transición ecolóxica.
- Deseño dixital e identidade de produto:
- Deseño dixital relacionado co produto.
- Identidade gráfica e outros elementos gráficos como envases, embalaxes ou comunicación asociados ao novo produto.
CONTÍA DAS AXUDAS
- No caso da liña 1, a contía máxima de axuda por beneficiario será do 50% sobre o investimento total subvencionable cos seguites límites:
- Orzamento da actuación: de 50.000€ (min.) a 250.000€ (máx.)
- Axuda: De 25.000 a 125.000€.
- O caso da liña 2, a contía máxima de axuda por beneficiario será do 50% sobre o investimento total subvencionable no caso das pemes e do 25% tratándose dunha gran empresa (*), cos seguintes límites:
- Orzamento da actuacion: De 50.000€ a 250.000€
- Axuda peme: De 25.000€ a 125.000€
- Axuda gran empresa: De 12.500€ a 62.500€
* No caso de plans para o desenvolvemento experimental de proxectos de deseño postos en marcha por grandes empresas, a intensidade da axuda poderá aumentar ata o 40% (Importe da axuda: de 20.000 a 100.000 euros)
CRITERIOS DE AVALIACIÓN
As axudas concederanse en réxime de concorrencia competitiva, valorándose os seguintes criterios:
- Calidade técnica do proxecto.
- Impacto no ecosistema empresarial galego.
- Viabilidade económica e sustentabilidade.
PRAZO
Inicio: 10/02/2025 9:00 am
Final: 10/03/2025 14:00 pm
MÁIS INFORMACIÓN
CÓDIGO DE PROCEDEMENTO: IG408L
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.