SUBVENCIÓNS PARA ACTUACIÓNS DE EFICIENCIA ENERXÉTICA EN EMPRESAS TURÍSTICAS

A Xunta de Galicia convoca estas subvencións, incluídas no Plan de modernización e competitividade do sector turístico, co obxectivo de impulsar a economía circular en empresas turísticas que desenvolvan actuacións de eficiencia enerxética e economía circular, reducindo así a súa pegada de carbono.

PERSOAS BENEFICIARIAS

persoas físicas e xurídicas que estean dadas de alta no Censo de empresarios, profesionais e retedores da Axencia Estatal de Administración Tributaria e que sexan titulares de establecementos turísticos de aloxamento e de restauración.

En concreto, son actuacións subvencionables as que se realicen en calquera dos seguintes tipos de establecementos turísticos:

Os establecementos hoteleiros, establecementos de turismo rural, apartamentos turísticos, vivendas turísticas e albergues turísticos.
As empresas de restauración (restaurantes, cafetarías e bares).

Requisitos:

Os datos que figuran no REAT relativos ao establecemento, á súa titularidade e á representación teñen que coincidir cos datos achegados pola persoa solicitante da subvención.
Poderán ser beneficiarias as pemes e grandes empresas que proxecten levar a cabo un proxecto localizado en Galicia.
Deberán acreditarse, por calquera título válido en dereito, a propiedade dos inmobles ou predios obxectos da actuación ou calquera outro dereito que autorice a persoa beneficiaria á relalización do investimento subvencionado e que permita a explotación do establecemento durante todo o prazo de duración da obriga de manter a actividade prevista.
Os requisitos para ser persoa beneficiaria deberán cumprirse na data de finalización do prazo de presentación de solicitudes.
Unha vez ditada a resolución de concesión, os cambios na persoa beneficiaria da subvención, por cambio na titularidade do establecemento, terá que ser previamente autorizados pola Administración concedente.

ACTUACIÓNS SUBVENCIONABLES

Aquelas que respondan á natureza da actividade subvencionable e se realicen no prazo establecido nestas bases.
Pódense diferenciar as seguintes tipoloxías de proxectos subvencionables:

Mellora da eficiencia enerxética da envolvente térmica

Obxectivo: reducir a demanda enerxética en calefacción e climatización dos edificios completos, locais ou partes do edificio destinado a establecemento turístico.
O custo elixible das actuacións debe ser igual ou superior a 20.000 €.

Mellora da eficiencia enerxética e de enerxías renovables nas instalacións térmicas, reguladas polo RITE.

Substitución de enerxía convencional por enerxía térmica

Obxectivo: reducir o consumo de enerxía convencional en edificios completos, locais ou partes do edificio destinado a establecemento turístico, mediante o uso da enerxía solar térmica para a produción de auga quente sanitaria, calefacción, refrixeración ou climatización de piscinas.
O custo elixible das actuacións debe ser igual ou superior a 10.000 €.

Substitución de enerxía convencional por enerxía xeotérmica

Obxectivo: reducir o consumo de enerxía convencional en edificios completos, locais ou partes do edificio destinado a establecemento turístico mediante o uso da enerxía xeotérmica para un ou varios dos seguintes usos: calefacción, climatización, produción de auga quente sanitaria ou climatización de piscinas.
O custo elixible das actuacións debe ser igual ou superior a 20.000 €.

Substitución de enerxía convencional por biomasa nas instalacións térmicas

Obxectivo: reducir o consumo de enerxía convencional en edificios completos, locais ou partes do edificio destinado a establecementos turístico, mediante o uso de biomasa como combustible para calefacción, refrixeración, produción de auga quente sanitaria ou climatización de piscinas.
O custo elixible das actuacións debe ser igual ou superior a 20.000 €. No caso de redes de calor, serán subvencionables os proxectos que supoñan un custo elixible superior a 100.000 €.

Mellora da eficiencia enerxética dos sistemas de xeración non incluídos nas anteriores

Obxectivo: reducir o consumo de enerxía das instalacións térmicas de calefacción, refrixeración, ventilación, produción de auga quente sanitaria ou climatización de piscinas de edificios completos, locais ou partes do edificio destinado a establecementos turístico, mediante actuacións no sistema de xeración térmica non incluídas nos puntos B1 a B3.
O custo elixible das actuacións debe ser igual ou superior a 20.000 €.

Instalacións fotovoltaicas para autoconsumo

Obxectivo: reducir o consumo de enerxía convencional en edificios completos, locais ou partes do edificio destinado a establecemento turístico, mediante o uso da enerxía solar fotovoltaica para a produción de electricidade.
O custo elixible das actuacións debe ser igual ou superior a 20.000 €.

Mellora da eficiencia enerxética das instalacións de iluminación.

Obxectivo: reducir o consumo de enerxía das instalacións de iluminación de edificios completos, locais ou partes do edificio destinado a establecemento turístico.
O custo elixible das actuacións debe ser igual ou superior a 5.000 €.

Renovación de electrodomésticos

Obxectivo: reducir o consumo eléctrico debido aos electrodomésticos e armarios de conservación profesionais utilizados nos inmobles de uso turístico.
O custo elixible das actuacións debe ser igual ou superior a 5.000 €.

Sistemas de automatización e control

Obxectivo: reducir o consumo enerxético do edificio completo, local ou parte do edificio destinado a establecemento turístico, mediante a instalación a xestión dun sistema de automatización e control global das instalacións consumidoras e/ou produtoras de enerxía, así como outros actuacións nos equipamentos dos subsistemas de xeración, distribución, regulación e emisión.
O custo elixible das actuacións debe ser igual ou superior a 20.000 €.

Instalacións fotovolcaicas para autoconsumo

Obxectivo: reducir o consumo de enerxía convencional en edificios completos, locais ou partes do edificio destinado a establecemento turístico, mediante o uso da enerxía solar fotovoltaica para a produción de electricidade.

Mellora da eficiencia enerxética das instalacións de iluminación

Obxectivo: reducir o consumo de enerxía das instalacións de iluminación de edificios completos, locais ou partes do edificio destinada a establecemento turístico.

Renovación de electrodomésticos

Obxectivo: reducir o consumo eléctrico debido aos electrodomésticos e armarios de conservación profesionais utilizados nos inmobles do uso turísticos.

GASTOS SUBVENCIONABLES

Os honorarios profesionais satisfeitos para a elaboración, polo/a técnico/a competente dos certificados de eficiencia enerxética previstos no Real decreto 235/2013, do 5 de abril, cando estes sexan esixidos.
Os custos de xestión de solicitude da axuda.
Os custos da redacción dos proxectos técnicos relacionados coa tipoloxía de actuación obxecto da axuda.
Os custos da dirección facultativa das actuacións.
Os custo de execución das obras e/ou instalacións.
O investimento en equipamentos e materiais efectuado.
Os custos de redacción de informes e demais documentación requirida para a solicitude e xustificación destas axudas.
Os custos de xestión da xustificación da realización das actuacións.
O informe xustificativo que acredite a adecuada realización das actuacións obxecto da axuda, emitido por un organismo de control ou entidade de control.
Cando sexa necesario retirar aqueles produtos de construción que conteñan amianto, a retirada deberá realizarse conforme o establecido polo que se establecen as disposicións mínimas de seguridade e saúde aplicables aos traballos con risco de exposición ao amianto, por unha empresa legalmente autorizada.
Os custos para implantar as medidas correctoras que se adoptarán para cumprir os criterios da “Guía para o deseño e desenvolvemento de actuacións acordes co principio de non causar un prexuízo significativo ao ambiente”.

Os gastos subvencionables deberán ser realizados e pagados entre a data de presentación da solicitude de axuda e o 30 de abril de 2025.

CONTÍA

A intensidade da axuda será ata un 70 % do custo total subvencionable do proxecto.

Poderán optar a unha axuda dun 10 % adicional aqueles proxectos que acrediten un aforro de enerxía primaria non renovable dun 20 %, sen que o total da axuda poida exceder do 80 % do custo total subvencionable.

Poderán optar a unha axuda dun 20 % adicional aqueles proxectos que acrediten un aforro de enerxía primaria non renovable dun 30 %, sen que o total da axuda poida exceder do 90 % do custo total subvencionable.

Estas axudas están sometidas ao réxime de minimis.

INCOMPATIBILIDADES

Será incompatible a solicitude de axudas de establecementos turísticos que resulten beneficiarios ao abeiro da convocatoria de eficiencia enerxética a empresas turísticas (TU986B) do ano 2022.

PRAZO DE SOLICITUDE

Ata o 14 de novembro de 2024.

MÁIS INFORMACIÓN

RESOLUCIÓN do 5 de xuño de 2024 pola que se establecen as bases reguladoras para a concesión, en réxime de concorrencia non competitiva, de subvencións para actuacións de eficiencia enerxética en empresas turísticas, incluídas no Plan de modernización e competitividade do sector turístico do Plan de recuperación, transformación e resiliencia financiado pola Unión EuropeaNextGenerationEU, e se procede ásúa convocatoria para o ano 2024, con carácter plurianual.

CÓDIGO DE PROCEDEMENTO: TU986B

Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.

O contido desta presentación é só para fins informativos; en ningunha circunstancia o contido desta publicación poderá substituír a información proporcionada nos documentos oficiais.