O obxectivo desta convocatoria é potenciar e visibilizar aquelas iniciativas empresariais que acheguen solucións innovadoras en materia económica, social e medioambiental. Valorarase especialmente que os proxectos propoñan solucións, modelos de xestión, produtos e/ou servizos que se caractericen pola sostibilidade do sector forestal
A QUEN VAI DIRIXIDO?
Calquera persoa física ou xurídica que conte cun proxecto innovador no sector forestal referido a procesos, produtos ou servizos que supoña nunha creación de valor.
O proxecto pode estar en desenvolvemento ou corresponder a unha empresa existente, sempre que o proxecto se iniciara dentro dos últimos 24 meses dende a data de publicación da convocatoria.
Os proxectos en desenvolvemento deben comezar a súa actividade nos 12 meses seguintes posteriores á convocatoria.
Todos os proxectos deben estar realizados en Galicia.
CRITERIOS DE VALORACIÓN
| Orixinalidade e Carácter Distintivo | Ata 10 puntos. |
| Aspectos Económicos | Ata 10 puntos. |
| Aspectos Ambientais | Ata 10 puntos. |
| Aspectos Sociais | Ata 10 puntos. |
| Escalabilidade e Sustentabilidade | Ata 20 puntos. |
| Valor Comunicacional e potencial da difusión da innovación | Ata 10 puntos. |
| Total | 70 puntos |
PREMIOS
- Galardón á mellor iniciativa empresarial: 5.000 €
- Accésit: 2.000 €.
Ademais tamén haberá premio e accésit ao mellor traballo de investigación de posgrao (de 2.000 euros e 1.000 euros, respectivamente).
PRAZO
As candidaturas poderán presentarse ata o 3 de xuño, ás 14.30 h.
MÁIS INFORMACIÓN
Consulta as bases completas do IV Premio á Innovación Forestal.
Poderás obter máis información na seguinte páxina web.Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE) chamando ao teléfono 986 42 33 66.