O obxecto desta orde é o de regular a concesión dos Premios de Artesanía de Galicia co obxectivo de recoñecer a mellora continua no labor dos/das profesionais do sector artesán galego e, ao mesmo tempo, contribuír ao desenvolvemento económico e promocional do sector da artesanía en Galicia.
Este obxecto concrétase en tres modalidades de premio:
- Premio Artesanía de Galicia 2025: recoñece obras artesás que combinen tradición, innovación, calidade e deseño.
- Premio Traxectoria 2025: premio honorífico a unha traxectoria profesional consolidada na artesanía galega.
- Premio Bolsas Eloy Gesto 2025: bolsas de formación para promover a remuda xeracional e a profesionalización no sector artesán.
Persoas candidatas
- Premio Artesanía de Galicia 2025
- Obradoiros artesáns inscritos no Rexistro Xeral de Artesanía de Galicia.
- O titular debe ser unha persoa artesá.
- Ten que presentarse nas oficinas da Fundación Pública Artesanía de Galicia.
- Premio Traxectoria 2025
- Persoas artesás en activo ou retiradas.
- Deben ter estado inscritas como artesás no Rexistro Xeral de Artesanía.
- Cunha actividade mínima de 20 anos demostrable.
- As candidaturas deben ser presentadas por terceiros (obradoiros, asociacións, entidades locais ou outras entidades públicas/privadas).
- Premio Bolsas Eloy Gesto 2025
- Obradoiros artesáns inscritos no Rexistro Xeral de Artesanía de Galicia.
- Titular cunha idade máxima de 45 anos no ano 2025.
Exclusións:
– Obras presentadas anteriormente noutros concursos ou xa publicadas en calquera soporte.
– Un obradoiro artesán non pode presentar como candidato ao Premio Traxectoria á persoa titular dese mesmo obradoiro nin a persoas que traballen nese obradoiro.
Actividades premiadas
- Premio Artesanía de Galicia: elaboración de pezas artesanais destacadas por calidade, innovación, técnica e deseño.
- Premio Traxectoria: recoñecemento á carreira profesional dunha persoa artesá.
- Premio Bolsas Eloy Gesto: formación nun centro ou obradoiro artesanal de referencia.
Contía
- Premio Artesanía de Galicia 2025: 9.000 € e trofeo, ademáis da cesión da obra premiada á Fundación Pública Artesanía de Galicia.
- Premio Traxectoria 2025: Sen dotación económica, só un trofeo honorífico.
- Premio Bolsas Eloy Gesto 2025: Ata 3 bolsas de 4.000 € cada unha mais un diploma acreditativo. Debe xustificarse documentalmente a formación realizada.
Prazo
O prazo de presentación para as tres candidaturas iniciarase a partir das 8.00 horas do 15 de setembro de 2025 e rematará ás 14.30 horas do 26 de setembro de 2025.
Máis información
Acceder ao procedemento de tramitación:
- Código de procedemento IN200A
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación é só para fins informativos; en ningunha circunstancia o contido desta publicación poderá substituír a información proporcionada nos documentos oficiais.