O obxecto desta axuda é establecer as bases reguladoras e convocar para o ano 2025 as axudas dirixidas ás persoas titulares de autorizacións de transporte público interurbano de viaxeiros en vehículos de turismo (VT-N) domiciliadas en Galicia, coa finalidade de mellorar a calidade e intensidade do servizo de taxi en Galicia, afrontar o incremento dos custos (especialmente dos seguros) e fomentar a contratación laboral no sector.
Beneficiarios
Poderán ser beneficiarios os autónomos titulares dunha autorización de autotaxi (VT-N) que estean de alta e en activo no momento da solicitude.
Requisitos adicionais:
– A autorización de autotaxi debe estar en vigor e en situación de actividade.
– Os interesados poderán solicitar a axuda por cada unha das autorizacións das que sexan titulares.
Exclusións:
– Quedan excluídos os titulares que sexan persoas xurídicas.
– Non se subvencionarán vehículos que non estean correctamente asegurados no período subvencionable.
Actividades subvencionables
Será subvencionable o pagamento das pólizas dos seguros obrigatorios dos vehículos autotaxi (VT-N) durante o período subvencionable (desde o 1 de outubro de 2024 ata o 30 de setembro de 2025).
A subvención cubrirá os custos derivados da contratación e mantemento destas pólizas de seguro que aseguren o vehículo para o exercicio do servizo público do taxi.
Contía
A contía será de 240 € por cada autorización VT-N.
Prazo
Do día 5 de xuño ao 30 de setembro de 2025.
Máis información
Acceder ao procedemento de tramitación:
- Código de procedemento IF401A
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación é só para fins informativos; en ningunha circunstancia o contido desta publicación poderá substituír a información proporcionada nos documentos oficiais.